Allinta servichikusun willakunapaq yanapakuykunata

Jehova Diosqa imaymana yanapakuykunatam quwanchik paymanta allinta yachachinanchikpaq. Chaykunam videokuna, tratadokuna, revistakuna, folletokuna, librokuna chaynallataq biblianchikpas (2Ti 3:16). Chaymantapas kapuwachkanchiktaqmi bibliamanta astawan yachananchikpaq sapaq yanapakuykunapas. Chaykunaqa Watchtower Library, JW Library^®, LEENAPAQ QILLQAKUNA Watchtower™ hinaspa Jehova Diospa testigonkunapa qillqankunapi maskanapaq nisqa yanapakuykunam.

Ancha kusisqam tarikusun kay yanapakuykunawan Diosmanta astawan yachaspanchik. Yachachisunchik bibliamanta estudiaqkunatapas kay yanapakuykunata allinta servichikunankupaq. Paykunapas ancha kusisqam tarikunqaku ima tapukuyninkumantapas chaypi astawan yachaspanku.

KUSIKUSUNYÁ RUNAMASINCHIKKUNAMAN DIOSMANTA YACHACHISPANCHIK. DIOSPA YANAPAKUYNINTAYÁ CHASKIKUSUN: ASTAWAN YACHANANCHIKPAQ YANAPAKUYKUNA NIQ VIDEOTA QAWARUSPA, KAY TAPUKUYKUNAMANTA RIMARIY:

• 

  ¿Ima nirqataq Maria Diospa unanchasqankunamanta Rita tapuykuptin?

• 

  ¿Maypim Ritaqa astawan yachananpaq yanapakuykunata maskarqa?

• 

  ¿Imatam Ritaqa ruwarqa Mariata sumaqta yachachinanpaq?

• ¿Imaynataq Ritaqa tarikurqa astawan yachananchikpaq yanapakuykunawan yanapachikuspa?