¿Uyarichkankichu grabasqa biblianchikta?

¿Imataq grabasqa bibliaqa? Musuq allpa pachapi kawsaqkunapaq bibliam achka rimaykunapi uyarinapaq kachkan, wakin rimaykunapiqa as-asmantam churamuchkanku. Suma-sumaq ruwasqam kachkan, manam hukllachu riman aswanqa sapa rimaqpaqmi huk-huk grabarqa. Chaymantapas grabaqkunaqa sunqumantam sumaqta leenku chaynapi bibliapi ima niy munasqan sumaqta entiendekunanpaq.

¿Imanasqataq ancha allin grabasqa biblianchikta uyariyqa? Achkatam yanapan chaypi tarikuchkanmankupas hina yuyaymananankupaq. Sapakamapa rimasqankuta uyarisqankum yanapan bibliata allinta entiendenankupaq (Pr 4:5). Wakintañataqmi grabasqa bibliata uyarisqankuqa yanapan hukmanyasqa kaptinku hawkayanankupaq (Sl 94:19).

Grabasqa biblianchikta uyariyqa allin kawsakunanchikpaqmi anchata yanapawachwan (2Cr 34:19-21). Rimaynikipi utaq entiendesqayki rimaypi ¿kachkanchu grabasqa biblia? Kaptinqa allinmi kanman uyarinaykipaq tiempochakuyniki.

UYARINALLAPAQ BIBLIANCHIKTA IMAYNATA GRABASQANKU (PARTELLAN) SUTIYUQ VIDEOTA QAWARUSPA, KAY TAPUKUYMANTA RIMARIY:

Uyarinallapaq biblianchikta grabanankupaq tukuy ima ruwasqankumanta ¿mayqintaq gustasunki?