Willakusqankumanta

Llakipayakuq runa kaspaqa lliwtam yanapaykusun

Nueva Zelanda nacionpi yachaq panichanchikmi huk punchaw qawarqa Preocupémonos unos por otros sutiyuq videonchikta. Chaypim yacharurqa Diosqa runakunata mana llakipayaylla-llakipayasqanta aswanqa llakipayaspa yanapaykusqanta (Is. 63:​7-9). Diosta qatipakuyta munaspanmi paypas pitapas yanapaykuyta munarqa. Chay punchawmi rantipakuq lluqsirqa, hinaspam rikururqa callepi yachaq huk warmita. Chaymi mikunanpaq imachallatapas rantiykapurqa. Hinaptinmi chay warmiqa agradecekullarqa. Mikuyta quykuspanmi iñiqmasinchikqa Diosmanta willarqa ¿Haykapipas tukunqachu ñakariy? niq tratadonchikwan.

Chay warmiqa waqakuytam qallakuykurqa. Nirqam: “Warmacha kaspayqa tayta-mamaywanmi huñunakuyman riq kani, tayta-mamayqa testigom karqa”, nispa. Willakurqataqmi Diospa llaqtanman kaqmanta kutinanpaq chay punchawkunalla Diosta mañakusqantapas. Chayta uyarispanmi iñiqmasinchikqa bibliata quykurqa hinaspam nirqa bibliamanta yachachinanpaq.a

Ñuqanchikpas Jehova Diosta qatipakuspam ayllunchikta, iñiqmasinchikta hinaspa runamasinchikta llakipayaspa yanapaykunanchik. Chaymantapas llakipayakuq kaspaqa kallpanchakusunmi runamasinchikkunaman Diosmanta willanapaq.