Oseas
8 Diosmi nin: “¡Tocana waqrata simiykiman churakuy!+
Enemigon anka jinaraq Jehová Diospa wasinman jamushan,+
paykunaqa rimanakusqaytan p’akinku,+ kamachisqaytan qhepanchanku.+
2 Qaparispan niwanku: ¡Diosniyku, noqayku Israel runakunaqa reqsiykikun!,+ nispa.
3 Israel runakunaqa allin kaqtan saqepunku,+
enemigo paykunata qatikachachun.
4 Mana kamachisqaymi reykunata churakunku.
Mana simiymantan umallikunata ajllakunku.
Qorinkuwan qolqenkuwanmi idolokunata ruwakunku,+
paykuna kikinku chinkachisqa kanankupaqmi chaykunata ruwakunku.+
¿Jayk’aqkaman mana ch’uyanchakunkichu?
6 Chay torilloqa Israel runakunaq ruwasqanmi.
Chayqa rumi thupaq runaq ruwasqallanmi, manan Dioschu chayqa.
Samaria llaqtaq torillonqa ñut’usqan kanqa.
7 Paykunaqa wayratan tarpushanku,
chaywanmi sinchi millay wayrata cosechanqaku.+
Manan trigo espigaqa poqosqañachu lloqsimun,+
lloqsimuspapas manan jak’ullapaqñachu lloqsimun,
8 Israel aylluqa millp’usqan kanqa.+
Waj nacionkuna ukhupin kanqa,+
mana imapaq serviq vaso jinan kanqa.
9 Payqa sapallan puriq salqa asno jinan Asiriaman wicharqan.+
Efrainqa qhelli juchapi puriqkunatan mink’akun munakuqninkuna kanankupaq.+
10 Nacionkunamantaña chaykunata mink’akamun chaypas,
usqhaymi paykunataqa juñusaq;
reykunawan autoridadkunapiwanmi paykunata imaymanawan sinchita ñak’arichinqaku.+
11 Efrainqa askhatan altarkunata ruwaykukun, chaywantaq juchalliykukushan.+
Chay altarkunawanmi astawan juchallikushan.+
12 Kamachikuyniymanta imaymanataña qelqachirqani chaypas,
payqa manan reparaqpas tukurqanchu.+
13 Sacrificio jaywamuwasqanku aychatapas paykunan mijukapunku,
chay ruwasqankuqa manapunin Jehová Diosmanqa gustanchu,+
mana allin ruwasqankutaqa yuyarisaqmi, juchankumantan castigasaq.+
Paykunaqa Egiptomanmi kutirqanku.*+
14 Israelqa noqa kamaqninta qonqapuspan+ templokunata ruwakun,+
Judapas askhatan allin perqasqa llaqtakunata jatarichin.+
Chay llaqtankunatan noqaqa ninawan ruphachisaq,
torrekunatapas lliutan kanapusaq”,+ nispa.