54 YACHACHIKUY
¿lmatan ruwashan “allin yuyayniyoq junt’aq kamachi”?
Jesusmi Diospa llaqtantaqa “umallishan” (Efesios 5:23). “Allin yuyayniyoq junt’aq kamachiwanmi” kay pachapi llapa qatikuqninkunata pusarishan (leey Mateo 24:45). Chay “kamachitaqa” Jesús kikinmi ajllarqan, chaymi chay kamachipas atiyniyoq. Chaywanpas chay kamachiqa Jesuspa kamachinmi, paypa wayqenkunatan servishan. Ichaqa, ¿pitaq chay “kamachiri”? ¿Imaynatan pusariwashanchis?
1. ¿Pin “allin yuyayniyoq junt’aq kamachi”?
Jehová Diosqa juj runawanmi mayninqa llaqtanta pusariq, maynintaq juj t’aqa runakunawan pusariq, unaymantapachapas chhaynatapunin payqa ruwaq (Malaquías 2:7; Hebreos 1:1). Jesuspa wañupusqan qhepamanpas apostolkunawan umalliqkunawan iman pusarirqan (Hechos 15:2). Chhaynatan kunan tiempopas juj t’aqa kuraq runakunawan pusarishan, paykunatan nikun Umalliq T’aqa otaq Cuerpo Gobernante nispa. Paykunan espiritual mijuna nisqatapas preparamunku, paykunan Diosmanta willaytapas umallishanku. Chay t’aqa hermanokunan kanku “Allin yuyayniyoq junt’aq kamachiqa” chay kamachitan “patronninqa [Jesusqa] churan wasinpi kamachinkunata qhawarinanpaq” (Mateo 24:45a). Chay Umalliq T’aqapi kaq hermanokunaqa espirituwan ajllasqakunan kanku. Paykunan janaq pachamanta Cristowan kuska gobiernamunqaku, wañupusqanku qhepamanmi paykunaqa janaq pachaman ripunqaku.
2. ¿Iman chay espiritual mijuna nisqa?
Jesuspa nisqan jina, allin yuyayniyoq junt’aq kamachiqa “tiempollanpin [iñiqkunaman] mijunata qonan” karqan (Mateo 24:45b). ¿Ima mijunataq chayri? Chayqa Diospa simin qelqaman jina ruwasqa yachachikuykunan. Imaynan khamuna mijunaqa yanapawanchis kallpayoq kanapaq qhali kanapaq, chhaynatan Diosmanta jamuq yachachikuykunapas yanapawanchis Dios sonqollapuni kanapaq, Jesuspa saqewasqanchis llank’ayta junt’anapaq (1 Timoteo 4:6). Chay espiritual mijunaqa kashan juñunakuykunapi, asambleakunapi, qelqanchiskunapi, videokunapi iman. Chaykunan yanapawanchis Jehová Diosta allinta reqsinapaq, paywan allin amigontin kananchispaqpas.
ASTAWAN YACHASUNCHIS
Kunanqa yachasunchis imaraykus “allin yuyayniyoq junt’aq kamachiq”, Umalliq T’aqaq pusariwananchista necesitanchis chayta.
Umalliq T’aqaqa tiempollanpin apachimushanku espiritual mijunata, yuyaychaykunata, imachus necesitakusqanta ima.
3. Diospa llaqtanqa manan ch’arwichu kanan
Umalliq T’aqaqa Jesuspa yanapayninwanmi Diospa llaqtanta imaymana ruwaypi umallishan. Ñaupa tiempopi cristianokunatapas chhaynatan Jesusqa pusarirqan. VIDEOTA qhawaychis.
Leeychis 1 Corintios 14:33, 40 textota, jinaspa jamuq tapuykunaman jina parlariychis:
Chaypi leesqanchisman jina, ¿llaqtan imayna kanantan Jehová Dios munan? ¿Imaraykutaq chhaynata ninki?
4. Allin yuyayniyoq junt’aq kamachin Diosmanta willayta umallishan
Ñaupa tiempopi cristianokunapaqqa Diosmanta willaymi ima ruwaymantapas aswan jatun ruway karqan. Leeychis Hechos 8:14, 25 textota, jinaspa jamuq tapuykunaman jina parlariychis:
¿Pikunan ñaupa cristianokunaq tiemponpi allin willakuykuna willayta umallirqanku?
¿Imatan apóstol Pedropas Juanpas ruwarqanku juj apostolkunaq kamachisqanta uyarispa?
Umalliq T’aqaqa Diospa gobiernonmanta willay aparikunanpaqmi astawanqa kallpachakun. VIDEOTA qhawaychis.
Jesuspa nisqan jina allin willakuykunata willaymi ima ruwaymantapas aswan jatun ruwayqa. Leeychis Marcos 13:10 textota, jinaspa jamuq tapuykunaman jina parlariychis:
¿Imaraykun Umalliq T’aqa Diosmanta willayta astawan tanqarishan?
¿Imaraykun “allin yuyayniyoq junt’aq kamachiq” yanapayninta necesitanchis pachantinpi allin willakuykuna aparikunanpaq?
5. Allin yuyayniyoq junt’aq kamachin pusariwashanchis
Pachantinpi Diospa llaqtanpi imachus ruwakusqantaqa Umalliq T’aqan qhawarishan. Ichaqa, ¿imaynatan paykuna ima willakuytapas kamachikuytapas orqomunku? Chaypaq yachasun imaynatas ñaupa tiempopi umalliq t’aqa ruwaq chayta. Leeychis Hechos 15:1, 2 textota, jinaspa jamuq tapuykunaman jina parlariychis:
¿Ima sasachakuypin ñaupa tiempopi cristianokuna tarikurqanku?
¿Pikunaq yanapaynintan Pablopas Bernabepas juj cristianokunapas maskharqanku?
Leeychis Hechos 15:12-18, 23-29 textota, jinaspa jamuq tapuykunaman jina parlariychis:
¿Imatan ñaupa tiempopi umalliq T’aqa ruwarqan manaraq imatapas ruwashaspa? ¿Piqpa yanapaynintan maskharqanku? (Qhawaychis 12, 15, 28 versiculokunata).
Leeychis Hechos 15:30, 31; 16:4, 5 textokunata, jinaspa jamuq tapuykunaman jina parlariychis:
¿Imaynatan ñaupa tiempopi cristianokuna chaskikurqanku umalliqkunaq apachisqan cartata?
¿Imaynapin yachanchis kasukusqankumanta Jehová Dios bendecisqanta?
Leeychis 2 Timoteo 3:16; Santiago 1:5 textokunata, jinaspa jamuq tapuyman jina parlariychis:
¿Imatan kay tiempopi Umalliq T’aqamanta hermanokuna ruwanku Jehová Diospa yanapayninta chaskikunankupaq?
WAKIN RUNAKUNAN NINKU: “Umalliq T’aqata kasukuyqa runakunata qatikuymi”, nispa.
Qhawarisqaykiman jina, ¿Jesuspunichu pusarishanman Umalliq T’aqata? ¿Imaraykutaq chhaynata piensanki?
IMATAN YACHAMURQANCHIS
“Allin yuyayniyoq junt’aq kamachiqa” Umalliq T’aqapi hermanokunan, Criston paykunataqa ajllakurqan. Paykunan tiempollanpi espiritual mijunanchista qowashanchis.
Yuyarisun
¿Pin ajllarqan “allin yuyayniyoq junt’aq kamachita”?
¿Imaynatan cuidawanchis Umalliq T’aqa?
Qhawarisqaykiman jina, ¿Umalliq T’aqachu kanman “allin yuyayniyoq junt’aq kamachi”?
ASTAWAN YACHANAYKIPAQ
Kaypin yachanki ima ruwanakunayoqsi kanku Umalliq T’aqapi kaq hermanokuna chayta.
“¿Iman Jehová Diospa testigonkunamanta Umalliq T’aqa?” (jw.org paginapi leey)
Qhaway imakunatas Umalliq T’aqa ruwan allin preparasqa espiritual mijunata qowananchispaq chayta.
¿Imaynatan Umalliq T’aqapi hermanokuna qhawarinku Jesusmanta chaskisqanku llank’ayta? Chaytan kay videopi willashan.
Jehová Diospunin Umalliq T’aqataqa pusarishan, ¿imaynatan chayta reparasunman juñunakuykunapi asambleakunapipas?