Qallariypi Diosta serviqkunaq tiemponmanta juezkunaq tiemponkama

Kay t’aqapin yachasunchis 2200 watapi jina imakunachus pasasqanmanta. Ñaupaqtan yachasunchis Enocmanta, payqa Adán kausashaqtinraqmi nacerqan. Kay t’aqapi ultimotataq yachasunchis Samuelmanta, paymi Israel nacionpi ñaupaq kaq rey kananpaq ajllasqa karqan. Chaymantapas kay t’aqapin yachallasuntaq Noemanta, Abrahanmanta, Saramanta, Moisesmanta, Rahabmanta, Deboramanta, Gedeonmanta ima; paykunaqa mana manchakuq valiente runakunan karqanku. Wakinqa sasa ñankunatan karu llaqtakunaman purirqanku, wakintaq “Jehová Diospa maqanakuyninpi” maqanakurqanku. Chaynapiña tarikurqanku chaypas paykunaqa mana manchakuspan Jehová Diospa kamachisqanta kasukurqanku.