INTERNETPI QELQANCHISKUNA Watchtower
Watchtower
INTERNETPI QELQANCHISKUNA
Quechua (Cusco)
  • BIBLIA
  • QELQAKUNA
  • JUÑUNAKUYKUNA
  • w25 Agosto 2-7 paginakuna
  • ¿Imaynatan Jehová Dios yanapawasunman?

Manan kaypaq video kanchu

Pampachaykuway, manan atikushanchu kay videota qhawanaykipaq.

  • ¿Imaynatan Jehová Dios yanapawasunman?
  • Qhawaq Jehová Diospa Gobiernonmanta Willashan (estudianapaq) 2025
  • Subtitulokuna
  • Kaykunatawan qhaway
  • DIOSMANTA MAÑAKUY
  • DIOSPA SIMIN QELQA
  • IÑIQMASINCHISKUNA
  • DIOSPA PROMESAN
  • “¡Jehová Diosqa kausaq Diosmi!”
    Qhawaq Jehová Diospa Gobiernonmanta Willashan (estudianapaq) 2024
  • Manan llapantapuniqa yachaytaqa atisunmanchu
    Qhawaq Jehová Diospa Gobiernonmanta Willashan (estudianapaq) 2025
  • Tukukuy p’unchaykama yanapakuq carta
    Qhawaq Jehová Diospa Gobiernonmanta Willashan (estudianapaq) 2024
  • Diosqa llakiq ñit’isqan runakunatan yanapan
    Qhawaq Jehová Diospa Gobiernonmanta Willashan (estudianapaq) 2024
Astawan rikunaykipaq
Qhawaq Jehová Diospa Gobiernonmanta Willashan (estudianapaq) 2025
w25 Agosto 2-7 paginakuna

32 YACHACHIKUY

38 TAKI Paymi kallpachasunki

¿Imaynatan Jehová Dios yanapawasunman?

“Paymi qaqata sayachisunkichis, paymi kallpasapaman tukuchisunkichis, payllataqmi allintapas tajyachisunkichis” (1 PED. 5:10).

¿IMAMANTAN YACHASUN?

¿Ima yanapaykunatan Jehová Dios qowanchis kay tiempopi llakikunata aguantananchispaq? ¿Imaynatan chaykunawan yanapachikusunman? Chaymantan kaypi yachasunchis.

1. ¿Imaraykun yachananchis aguantaq kayta, pin chaypi yanapawasunchis? (1 Pedro 5:10).

KAY tiempokunaqa sinchi sasan kashan. Sapankanchismi imaymana llakipi tarikunchis. Wakinqa sinchi onqosqan kashanku, wakintaq familiankuq jark’asqan, gobiernokunaq jark’asqan kanku; wakinpaqqa familianku iman wañukapun, chaykunawanmi llakisqa kashanku (Mat. 10:​18, 36, 37). Chhaynakunapitaq tarikushanchis chayqa, llapapas yachananchismi aguantaq kayta ¿riki? Chaypiqa Jehová Diosmi yanapawasunchis, payqa sapanka kamachin runakunatan yanapan (leey 1 Pedro 5:10).

2. ¿Iman iñiqkunata yanapawanchis sasachakuykunata aguantananchispaq?

2 Aguantaq runaqa onqosqaña kashan, qatikachasqaña kashan, tentacionpiña tarikushan, ima llakiña kashan chaypas aguantashallanpunin. ¿Iman Diosta serviqkunata yanapawanchis llapa chaykunata aguantananchispaq? Diosninchis Jehová Diosmi. Paymi “runakunaq mana aypay atisqan atiyta” qowanchis (2 Cor. 4:7). Chaymi kaypi yachasunchis Jehová Diospa qowasqanchis tawa yanapaykunamanta. Chaykunan yanapawasunchis aguantaq kananchispaq.

DIOSMANTA MAÑAKUY

3. ¿Imaraykun nisunman “Jehová Dioswan rimayqa juj jatun milagron” nispa?

3 Taytanchis Jehová Diosqa jatun yanapaytan qowanchis aguantananchispaq. ¿Iman chay? Paywan rimay atisqanchismi. Juchasapa runakunaña kanchis chaypas, paywanqa libren rimanchis payqa paywan rimananchistan munan (Heb. 4:16). Paywanqa rimasunmanmi ima horatapas, imamantapas, maypiña kashaspapas, ima rimaypipas. Carcelpiña kashaspapas jark’asqaña kashaspapas paywanqa rimallasunmanmi (Jon. 2:​1, 2; Hech. 16:​25, 26). Mayninqa yaqapaschá sinchi llakisqa tarikuspa mana imaniytapas atisunchu. Iskay kinsa simillatapaschá rimarisun. Chaytapas Jehová Diosqa entiendewanchismi (Rom. 8:​26, 27). Chhaynaqa, ¡Jehová Dioswan rimayqa juj jatun milagron ¿riki?!

4. ¿Imaraykun Jehová Diospa yanapayninta mañakunanchis?

4 Bibliapi nisqan jina, “imataña Diospa munayninman jina mañakusun chaypas, Diosqa uyariwasunmi” (1 Juan 5:14). Chhaynaqa, ¿allinchu kanman llakikunata aguantananchispaq paypa yanapayninta mañakuy? Arí, allinmi. ¿Imarayku? Chayqa paypa munayninman jina kasqanrayku. Bibliapipas willashanmi imaynas aguantaqtinchisqa Jehová Diosqa Satanaspa k’amisqanman kutichin chayta (Prov. 27:11). Chaymantapas willashanmi imaynas Diosqa tukuy sonqowan payta serviq runakunata yanapan chayta (2 Crón. 16:9). Chhaynaqa manan iskayananchischu Jehová Diosmantaqa, payqa yanapaytan munawashanchis (Isa. 30:18; 41:10; Luc. 11:13).

5. ¿Imaynatan Diosmanta mañakuy yanapawasunman sonqonchispas yuyayninchispas thaj kananpaq? (Isaías 26:3).

5 Bibliaqa llapa iñiqkunatan kallpachan llakinkuta Diosman willakunankupaq. Chayta ruwasun chayqa, “Diosqa runaq mana entiendey atisqan thaj kaytan qowasunchis” (Filip. 4:7). ¡May munaymi chayta yachayqa ¿riki?! Diosta mana serviq runakunaqa imaymanatan ruwanku llakinkuta problemankutapas qonqanankupaq. Chaykunata ruwaspa qonqankuña llakinkuta juj ratu chaypas, manan chayqa imapipas igualakunchu Jehová Diospa qowasqanchis thaj kaywanqa. Sichus Diosninchis Jehová Diospi tukuy sonqo confiasun chayqa, payqa yuyayninchista sonqonchista iman tiyaykachinqa (leey Isaías 26:3). Ichaqa, ¿imaynatan chayta ruwan? May munakuq may sumaq sonqo kasqanmanta rimaq textokunata yuyarichiwaspanchismi (Sal. 62:​1, 2).

6. ¿Imakunamantan rimawaq Jehová Dioswan? (Kay parrafopaq fotota qhaway).

6 ¿Imatan ruwawaq? Sichus ima llakipipas tarikushanki chayqa, llapa chayta Jehová Diosman willakuy, sut’inta willakuy imas pasashasunki chayta; thaj kayta qonasuykipaqpas mañakuy. Mañakuy yachayta qonasuykipaqpas, chhaynapi allin yuyaywan imatapas ruwanaykipaq (Sal. 55:22; Prov. 2:​10, 11). Ichaqa, manan mañakunallanchischu, graciasta iman qonanchis (Filip. 4:6). Chaypaqqa allintan reparananchis imaynatas yanapawashanchis chayta. Chayta reparaspataq agradecekunanchis payta. Chhaynaqa ima llakipiña tarikushanchis chaypas, ama chayllapichu yuyayninchis kachun. Allinta reparasun imaynatas Dios yanapawashanchis chaytapas (Sal. 16:​5, 6).

Juj kuraq hermano chiri tiempopi Diosmanta mañakushan. Chakin patapi juj Biblia kashan, mesapitaq juj botellapi pastillakuna kashan.

Mañakuspaqa Jehová Dioswanmi rimashanchis, Bibliata leespataq payta uyarishanchis. (6 parrafota qhaway).b


DIOSPA SIMIN QELQA

7. ¿Imaraykun nisunman “Bibliata allinta estudiasun chayqa aguantasunmi ima llakitapas” nispa?

7 Jehová Diosqa Simin Qelqata iman qowanchis ima llakitapas aguantananchispaq. Chaypin willashan imaynas Jehová Diosqa noqanchiswan kashan chayta. Chaymanta rimaspan Mateo 6:8 textopi nin: “Taytaykichisqa manaraq mañakushaqtiykichismi yachanña imakunachus necesitasqaykichista”, nispa. Chay simikunataqa Jesusmi nirqan. Payqa allintan yachan imaynas Jehová Dios chayta. Chhaynaqa, ima llakipipas nanaypipas tarikushanchis chayqa Jehová Diosqa rikushanmi chayta, yanapawasuntaqmi. Chaymantapas Bibliapiqa willashanmi Diospa promesankunamanta, chaykunapi piensasun chayqa aguantasunmi ima llakitapas (Sal. 94:19).

8. a) ¿Imaynatan Bibliapi kaq yuyaychaykuna yanapawasunman? Juj ejemplota willay. b) ¿Imatan ruwananchis chay yuyaychaykunata facilta yuyarinanchispaq?

8 Bibliapiqa imaymana yuyaychaykunan kashallantaq. Chay yuyaychaykunan yanapawasun imatapas allin yuyaywan allinta piensaspa ruwananchispaq (Prov. 2:​6, 7). Chaykunamanta jujninmi kashan Mateo 6:34 textopi imachus nisqan. Chaypi nisqanman jinaqa, manan nishutachu piensananchis paqarin-minchha p’unchaykuna imakunachus pasanqa chaypi, aswanpas imachá kunan p’unchaypaq llaki kashan chayllapin piensananchis. Chhaynaqa, sichus Bibliata leesun, chaypitaq allinta piensasun chayqa, ima llakipiña tarikusun chaypas faciltan chay yuyaychaykunataqa yuyarisun.

9. Sichus Bibliapi kaq willakuykunata leespa chaypi piensasun chayqa, ¿imaynatan chay yanapawasun?

9 Bibliapiqa willashanmi ñaupa tiempopi Diosta serviq runakunamantapas. Willashanmi imaynas paykunaqa Diospi confiaranku, imaynas paypa yanapayninta chaskiranku chaytapas (Heb. 11:​32-34; Sant. 5:17). Sichus chay willakuykunapi allinta piensasun chayqa, allintan reparasun imaynas Diosqa kallpanchis pakakunanchis chayta, imaynas “llakikuy tiempopi” yanapawananchispaq listo kashan chaytapas (Sal. 46:1). Chaymantapas chay ñaupa tiempo runakuna imaynatas Diospi confiaranku chaypi piensaspaqa paykuna jina kaytan noqanchispas munasunchis (Sant. 5:​10, 11).

10. ¿Imatan ruwasunman Bibliawan allinta yanapachikunanchispaq?

10 ¿Imatan ruwawaq? Sapa p’unchay Bibliata leey. Ima textokunachá gustasunki chaytataq juj listapi churay. Wakin hermanokunaqa chay p’unchaypaq ajllasqa textotan sapa tutamantan leenku. Chayqa paykunapaqqa juj jampi jinan. Chayta ruwaysi Marie sutiyoq hermanatapas yanapasqa.a Paypa papanpi mamitanpi imas cáncer onqoyta tarisqaku. Último killakunataqa paysi iskayninkuta cuidasqa. ¿Iman chay hermananchista yanapanman karqan chaykunata aguantananpaq? Paymi nin: “Sapa tutamantanmi leeq kani chay p’unchaypaq ajllasqa textota. Chay leesqaypin piensaq kani. Chaykunan yanapawaq llakikuyniypi nishuta piensanaymantaqa Diospa promesankunapi piensanaypaq”, nispa (Sal. 61:2).

IÑIQMASINCHISKUNA

11. ¿Imaraykun nisunman “hermanokunaq ima llakitapas aguantasqankuta yachayqa yanapawanchismi” nispa?

11 Jehová Diosqa hermanonchiskunawan iman yanapachiwanchis. Lliu kay pachantinpi iñiqmasinchiskunapas noqanchis jinan ñak’arishanku (1 Ped. 5:9). Chayta yachayqa yanapawanchismi ¿riki? ¿Imarayku? ¿Manachu paykunaq imakunachus pasasqankuta yachaspa, imaynatas chaykunata aguantashanku chayta yachaspa noqanchispas kallpachakunchis? Kallpachakunchismi ¿riki? Aswan faciltan ima llakitapas aguantanchis (Hech. 14:22).

12. ¿Imaynatan hermanonchiskunawan yanaparinakusunman? (2 Corintios 1:​3, 4).

12 Hermanonchiskunaqa jujniraymantapas yanapawasunmanmi. Chaytan sut’ita rikuchin apóstol Pabloq experiencian. Jark’asqa, carcelpi wisq’asqa kashaqtinsi askha hermanokuna imaymana formapi yanapasqaku. Chaytan Pabloqa cartakuna qelqasqanpi willakun, chay hermanokunaq sutinkuta iman willarqan (Filip. 2:​25, 29, 30; Col. 4:​10, 11). Kay tiempopipas hermanonchiskunaqa liston kashanku ima llakipiña tarikuqtinchispas yanapawananchispaq, noqanchispas yanaparinanchismi paykunataqa (leey 2 Corintios 1:​3, 4).

13. ¿Iman hermananchis Mayata yanaparqan sasachakuyta aguantananpaq?

13 Rusia nacionpi Maya sutiyoq hermanamanta yachasun. 2020 watapis guardiakuna wasinta jaykuruspa lliuta maskhaykusqaku. Chaymantas chay hermananchistaqa Diosmanta rimasqanrayku juicioman apasqaku. ¿Imaynatan payta yanapankuman karqan hermanonchiskuna? Paymi nin: “Juj kutinmi nishu llakisqapuni kasharqani, mana atiqpaq jinan qhawarikusharqani. Chayllamanmi hermanokuna wajamuwarqanku, cartakunata iman apachimuwarqanku, maytan munakuykiku nispa iman nimuwarqanku”, nispa. Paymi nillantaq: “Noqaqa allintan yacharqani imaynas lliu mundontinpi familianchis kashan chayta, imaynas paykunaqa munakuwanchis chayta. Ichaqa 2020 watamanta wichaymanmi allintapuni chayta rikurqani”, nispa.

14. ¿Imaynatan hermanokunaq yanapayninta chaskikusunman? (Qhaway kay parrafopaq fotota).

14 ¿Imatan ruwawaq? Ima sasachakuypipas llakipipas tarikushanki chayqa, amapuni iñiqmasikunamantaqa t’aqakuychu. Yachasqanchis jinapas paykunaqa yanapariwasunpunin. Umalliqkunapas “sapankankun wayramanta pakakuna jina kanku, sinchi paramanta pakakuna jinan kanku”, chhaynaqa paykunatapas maskharisun (Isa. 32:2). Ichaqa manan paykunatapas qonqananchischu. ¿Imarayku? Iñiqmasinchiskunapas imaymana llakipin tarikullankutaq. Noqanchispas jujkunata yanapasun chayqa, aswan kusisqan kasunchis, faciltan ima llakitapas ima pruebatapas aguantasunchis (Hech. 20:35).

Kaq hermanollataq paray tiempopi iskay erqechakunawan tayta-mamankuwan ima kusisqa rimashan. Paypa ladonpi juj bastón kashan, mesa patapitaq askha jampikuna kashan. Juj kaq erqecha paraisomanta dibujasqanta qhawachishan.

Iñiqmasinchiskunawan kuska kasun. (14 parrafota qhaway).c


DIOSPA PROMESAN

15. ¿Imaynatan Jesusta yanaparqan Diospa promesanpi piensasqan, imaynatan noqanchistapas yanapawasunman chaypi piensay? (Hebreos 12:2).

15 Jehová Diospa willawasqanchis promesapas yanapawasunmanmi llakikuykunata aguantanapaqqa (Rom. 15:13). Jesuspas Diospa willasqan promesapi piensasqanraykun tukuy ima ñak’ariyta aguantarqan (leey Hebreos 12:2). Jesusqa allintan yacharqan Dios sonqollapuni kaspaqa Diospa sutinta allinta jatunchananta. Chaymantapas payqa maytapunin munasharqan janaq pachapi taytanwan jujmanta tupayta, munasharqanmi ajllasqa hermanonkunawan kuska gobiernaytapas. Chaykunapi piensaymi paytaqa allinta yanaparqan. Sichus noqanchispas chhaynata Diospa prometesqan wiñay kausaypi, munay kausaypi piensasun chayqa, aguantallasunmi ima llakikuytapas ima ñak’ariytapas.

16. ¿Imaynatan juj hermanata yanaparqan Diospa promesanpi piensasqan, imatan paymanta yachasunman?

16 Rusia nacionmanta Alla sutiyoq hermanapi piensasun. Paytapas mosoq pachapi piensaysi allinta yanapasqa. Juj kutinsi qosanta jap’isqaku jinaspa carcelpi wisq’asqaku. Chaypi piensaspan nin: “Noqataqa kallpachawan Dioswan parlay, jamuq tiempo kausaypi piensay iman. Kay llakikuykunaqa manan wiñaypaqchu, tukupullanqan. Jehová Diosqa gananqapunin, noqanchispas ganasunmi”, nispa.

17. ¿Imaynatan rikuchisunman Diospa willawasqanchis promesa valorasqanchista? (Qhaway kay parrafopaq fotota).

17 ¿Imatan ruwawaq? T’aqaypuni tiempota Diospa promesankunapi piensanaykipaq, chay sumaq kausaypi piensanaykipaq. Chaypipas kashawaq chaypipas purishawaq jinata piensay. Chaykunapi piensaspaqa ima llakitapas ima nanaytapas juj ratupaq jinallan qhawarisun (2 Cor. 4:17). Chaymantapas tukuy atisqanchista kallpachakusun runamasinchiskunaman Diospa promesanmanta willananchispaq. Yachasqanchis jina, paykunaqa manan yachankuchu imatapas chay promesamantaqa. Chhaynataq chayqa, ¿facilchu paykunapaq kanman kay pacha llakikuykunata aguantay? Paykunawan Diosmanta rimanapaqqa manan sasa rimaykunataraqchu rimananchis. Ima tumpallapas Diospa promesanmantaqa rimallasunmanmi.

Paray tiempo pasayta juj hermano tabletanpi rijuriq paraisopi piensashan. Paypa ladonpi kashan taunan, botellakunapi askha pastillakuna ima.

T’aqasun tiempota Diospa willawasqanchis promesankunapi piensananchispaq. (17 parrafota qhaway).d


18. ¿Imaraykun nisunman “Diosqa junt’anqapunin promesanta” nispa?

18 Diospa kamachin Job sutiyoq runan imaymana llakita pasasqan qhepaman Jehová Diosta nirqan: “Kunanraqmi allinta yachani tukuy ima ruway atisqaykita; ima piensasqaykipas manan mana atikuqqa kanchu”, nispa (Job 42:2). Chaypi Jobpa nisqan jina, manan pipas ni imapas Jehová Diostaqa jark’anmanchu promesankuna junt’anantaqa. Chaytachus sonqonchispi allinta jap’ikusun chayqa, manan ima llakipas faciltaqa kumparuwasunchu. Chayta entiendenapaq kaypi piensasun. Juj warmis sinchi onqosqa kashanman, manas mayqen doctorpas chayta tariyta atinmanchu, ni jampiyta atinmanchu. Chaywansi payqa mana imanakuyta atispa sinchi llakisqa kashanman. Ichaqa juj allin experienciayoq doctortas tarinman, paysi willanman ima onqoywansi kashan, imaynatas chayta jampinqa chayta. Manaraq chay onqoynin chinkanchu chaypas, ñataq tarinña jampita chayqa, thajmi chay warmiqa kanman ¿riki? Nanaynintapas pacienciawanmi aguantanman. Chhaynan noqanchiswanpas, ima llakipiña tarikushanchis chaypas aguantanallanchismi. Yachasqanchis jina, Diospa gobiernonqa cheqaqpunin, chayamunqapunin chayqa.

19. ¿Imatan ruwananchis ima llakitapas sasachakuytapas aguantananchispaq?

19 Kaypin yacharamunchis llakikuykunata aguantanapaq Jehová Diospa qowasqanchis tawa yanapaykunamanta. Sichus tukuy atisqanchista kallpachakusun Jehová Dioswan parlananchispaq, Bibliata leenanchispaq, hermanonchiskunawan kuska kananchispaq, Diospa promesanpi piensananchispaqpas chayqa, kallpawanmi ima llakitapas ima sasachakuytapas aguantasunchis. Arí, Jehová Diosqa yanapawasunmi Satanaspa kamachisqan kay millay kausaypi llapa llakikunata aguantananchispaq. Qhepamanqa chinkapunqan llapa chaykunaqa (Filip. 4:13).

¿IMANIWAQMI?

  • ¿Imaynatan yanapawasunman Dioswan parlay Bibliata leeypas?

  • ¿Imaynatan yanapawasunman iñiqmasinchiskuna?

  • ¿Imaynatan yanapawasunman Diospa willasqan promesakunapi piensay?

33 TAKI Llakipakuyniyta qanman saqesayki

a Wakin sutikunaqa cambiasqan kashan.

b FOTOKUNAMANTA WILLAKUY: Chaypi juj kuraq hermanonchis kashan. Payqa ch’aki tiempoña paray tiempoña ima tiempoña chayamun chaypas, aguantashallan, Dios sonqollapuni kashan.

c FOTOMANTA WILLAKUY: Chaypi juj kuraq hermanonchis kashan. Payqa ch’aki tiempoña paray tiempoña ima tiempoña chayamun chaypas, aguantashallan, Dios sonqollapuni kashan.

d FOTOMANTA WILLAKUY: Chaypi juj kuraq hermanonchis kashan. Payqa ch’aki tiempoña paray tiempoña ima tiempoña chayamun chaypas, aguantashallan, Dios sonqollapuni kashan.

    Quechua (Cuzco) Qelqakuna (2001-2026)
    Wisq'ay
    Jaykuy
    • Quechua (Cusco)
    • Jujman apachiy
    • Imaynatan munanki
    • Copyright © 2025 Watch Tower Bible and Tract Society of Pennsylvania
    • Imatan ruwawaq imatan mana
    • Datoskunata waqaychasqaykumanta
    • Datoskuna imayna utilizakusqanmanta
    • JW.ORG
    • Jaykuy
    Jujman apachiy