Chaypi rijuriq letrachakunawan yanapachikuy

Mosoq Pacha Bibliapiqa wakin palabrakunaq tukuyninpin juj juch’uy letracha rijurishan. ¿Imapaqmi chay letracha? Chay letrachan apashan Bibliapi juj versiculokunaman, chaykunapin imachus leesqanchismanta astawan willashan. Chaykunan rikuchiwanchis imaynas Bibliapi textokunaqa simp’asqa jina kashan chayta. Papelpi Bibliata leeshanki chayqa leeshasqayki hojaq chaupinpin chay letrachata tarinki. Internetpi jw.org o JW Library^® nisqapi leeshanki chaytaq chay letrachata ñit’iykuqtiyki juj textokunaman apasunki.

¿Imamantan rimashan chay juj textokuna? Wakinmanta yachasun:

Chayllamantataq willashan. Mayninqa chay letrachaqa ima willakuytachus leeshanki chayllamantataq willaq textomanmi apasunki. Ejemplopaq: 2 Samuel 24:1 textopi rijuriq letrachan apasunki 1 Crónicas 21:1 textoman. 1 Crónicas 21:1 textopi rijuriq letrachataq apasunki 2 Samuel 24:1 textoman.

¿Mayqen textomantan qelqakurqan? Mayninqa chay letrachaqa mayqen textomantas qelqakurqan chaymanmi apasunki. Ejemplopaq: Mateo 4:4 textopi letrachaqa Deuteronomio 8:3 textomanmi apasunki.

Chay profecía imayna junt’akusqanmanta willashan. Mayninqa chay letrachaqa apasunki chay profecía imaynatas junt’akurqan chaymanmi. Ejemplopaq: Qhaway Zacarías 9:9 textota, Mateo 21:5 textotawan.