80 WILLAKUY
Jesús 12 apostolninkunata ajllan
Jesús wata kuskanta jinaña predicashaspan juj importante decisionta ruwanan karqan. Paywan kuska predicanankupaq, iñiq t’aqakunata umallinankupaq ima runakunata ajllanan karqan. Chayta decidinanpaqmi Jehová Diospa yanapayninta necesitarqan. Jinan orqoman rispa tutantin Diosmanta mañakurqan. Tutamantantaq Jesusqa discipulonkunata juñuspa 12 apostolkunata ajllarqan. ¿Yachankichu sutinkuta? Sutinkun karqan: Pedro, Andrés, Santiago, Juan, Felipe, Bartolomé, Tomás, Mateo, Alfeoq wawan Santiago, Tadeo, Simón, Judas Iscariotepiwan.
Andrés, Pedro, Felipe, Santiago
Jinan paykunawan viajarqan, predicayta yachachispataq kacharqan paykunallamanta predicanankupaq. Diosmi atiyta qorqan runakunamanta supaykunata qarqonankupaq, onqoyniyoqkunatapas qhaliyachinankupaq.
Juan, Mateo, Bartolomé, Tomás
Jesuspaqqa apostolninkunaqa amigonkunan karqanku, confiarqantaqmi paykunapi. Fariseokunaqa nirqanku apostolkuna mana educasqa kasqankuta. Jesusmi ichaqa paykunata prepararqan allinta llank’anankupaq. Paykunan Jesuspa ladonpi kananku karqan manaraq Jesús wañupushaqtin kausarisqan qhepamanpas. Yaqa llapankun Jesús jina Galileamanta karqanku, wakintaq casado karqanku.
Alfeoq wawan Santiago, Judas Iscariote, Tadeo, Simón
Apostolkunaqa pantaq runakunan karqanku. Mayninpin mana allinta piensaspa rimarqanku, mayninpitaq mana allinta decidirqanku. Mana pacienciayoqmi karqanku, discutirqankutaq pichus aswan importante kasqanmanta. Chaywanpas paykunaqa Jehová Diostan munakurqanku. Janaq pachaman Jesús ripuqtinmi paykunaqa Diospa llaqtanta umallinanku karqan.
“Noqan ichaqa Taytaymanta tukuy imaymana uyarisqayta qankunaman willaykichis, chaymi amigoykuna niykichis” (Juan 15:15).