Aguanteqa manan yanqapaqchu
1 “Aguantaspaykichismi vidaykichista salvankichis.” (Luc. 21:19, NM.) Kay simikunatan Jesusqa rimaran “p’uchukay tiempopaq” profeciata qoshaspa, kaymi allinta entiendechiwanchis Diospaq íntegro kayta munaspaqa pruebakunapaq preparasqa kananchista. Jehová Diospa kallpachasqanmi ichaqa, llapanchispas ‘p’uchukaykama aguantaspa salvakuswan’ (Mat. 24:3, 13; Fili. 4:13).
2 Qatikachaypas, onqoypas, wakcha kaypas, llakikuykunapas, sapa p’unchay kawsayninchistan pruebaman churanman. Chaymantapas, manan hayk’aqpas qonqananchischu Jehovapaq leal kayninchista Satanaspa pantachiy munasqanta. Taytanchispaq sapa p’unchay fiel kasqanchismi rikuchin Taytanchis k’amiqman kutichinapaq huk p’unchaytawan yanapasqanchista. ¡Kusikunchismi pruebakunapi “waqasqanchispas” mana qonqasqa kasqanta yachaspa! Chaykunapas Jehovapaqqa ancha valorniyoqmi, chaymi paypaq íntegro kaspaqa sonqonta kusichinchis (Sal. 56:8; Pro. 27:11).
3 Pruebakunaqa allinyachiwanchismi. Ñak’ariyqa rikuchinmanpaschá pisi iñiyninchista otaq mana allin sonqoyoq kasqanchistapas, orgulloso, mana pacienciayoq kayninchista. Manan pruebakunamantaqa ayqekunachu nitaq Bibliaq yachachisqan contrapi yachaykunawan yanapachikuspachu allichanapas, aswanmi Diospa Palabranpi consejota kasukuspa pruebaq ‘tukunankama aguantana’. ¿Imarayku? Mana pisipaspa pruebakuna aguantaymi yanapawasun “hunt’asqa tukuy imapaq wakichisqa kananchispaq” (Sant. 1:2-4). Aguanteqa yanapawasunmi sumaq runa kayta, khuyapayakuq kayta, hukkunaq sientesqan sienteyta, razonable kaytapas (Rom. 12:15).
4 Iñiyninchistan probanchis. Pruebakunata aguantaspan rikuchinchis imayna iñiyniyoq kasqanchista, chaymi Diosninchispaqqa ancha valorniyoq (1 Ped. 1:6, 7). Chhayna iñiymi yanapawasun hamuq tiempopi pruebakuna aguantananchispaq. Chaymantapas seguron kanchis Diospa aceptawasqanchismanta, chaymi esperanzanchista kallpachan aswan cheqaqmanpas tukuchin (Rom. 5:3-5).
5 Aguantasqanchismanta hatun premio chaskinanchistan Santiago 1:12 rikuchin, kayta nispa: “Kusisamiyoqmi sasachakuyta muchuq [“aguantaq”, NM] runaqa, chaywan probasqa kaspa mana pisipaqqa wiñay kawsaytan coronata hina chaskinqa”. Chayrayku, ama pisipasunchu Jehová Dios servisqanchispi, payqa manan qonqanqachu “munakuqninkunata”.