Predicanapaq yanapaykuna: Sumaqta rimapayay yaqapaschá predicasqaykita uyarisunkikuman

Jesusqa sumaqllatan samaritana warmita rimapayayta qallariran, chaymantataq predicaran. Noqanchisrí, ¿imaynatan mana reqsisqanchis runakunawan rimayta qallarisunman?

• Maypiña kashaspapas sumaqllata asirikuspa mayqen runatapas rimapayay. Jesusqa sayk’usqaña kasharan chaypas, rimapayaranmi samaritana warmita. ¿Imaynatan rimayta qallariran? Jesusqa unuta tomananpaq mañakuspan rimayta qallariran. Qanqa yaqapaschá sumaqta saludaspa, imayna tiempo kasqanmanta, ima noticiapi pasasqanmanta ima rimapayawaq. Ichaqa rimayta qallarinapaq jinan kanan. Sichus mana uyarisunkikuchu chayqa juj runakunawanñataq rimay. Chaypaqqa Jehová Diosmanta mañakuy kallpata (Neh. 2:4; Hech. 4:29).

• Atenton kashana piwanpas Diospa gobiernonmanta rimananchispaqqa, ichaqa manan jawan ukhuntachu rimana. Sumaqllata, mana reparayllan kanan, mana jinaqa yaqapaschá mana uyariyta munawasunchu. Sichus manaraq Jehová Diosmanta rimashaqtiyki pasapun chayqa ama llakikuychu. Manapuni maypiña kashaspapas predicayta atinkichu chayqa, juj temakunamantan runakunata rimapayawaq. [Juj kaq videota churay, jinaspataq uyariqkunaq yanapayninwan ruway.]

• Yaqapaschá juj temamanta rimashaspaqa mana reparayllata Diospa gobiernonmanta rimayta qallariwaq. ¿Imaynata? Yaqapaschá imapi creesqaykimanta rimawaq, chhaynapi rimapayasqayki runa tapunasuykipaq. Chaytan Jesuspas samaritana warmiwan ruwaran, chaymi warmiqa tapuyta qallariran. Jesustaq Diospa gobiernonmanta rimaspa tapukuyninkunata kutichiran. [Iskay kaq videota churay, jinaspataq uyariqkunaq yanapayninwan ruway churallaytaq kinsa kaq videotapas.]