Sasachakuyninchiskunaqa manan wiñaypaqchu kanqa

Sasachakuyninchiskunaqa fácil-llatan pisikallpayachiwasunman, chayqa astawanqa pasanman unayña aguantashaqtinchismi. Davidqa yacharanmi Saulqa mana wiñaypaqchu qatikachananta, chaymantapas yacharanmi Diospa prometesqanman jina qhepaman rey kananta (1 Sam. 16:13). Diospi iñisqanmi Davidtaqa yanaparan pacienciawan chay p’unchayta suyakunanpaq.

Sasachakuykunapi tarikuspaqa allinta yuyaykuspan imatapas ruwananchis, chhaynapin chhikallantapas sasachakuyninchista allichananchispaq (1 Sam. 21:12-14; Prov. 1:4). Wakin sasachayninchismi ichaqa mana chinkanqachu Diospa kamachisqanman jinaña ruwaqtinchispas. Chhayna kaqtinqa pacienciakunanchismi, jinaspa Jehová Diospi confiananchis. Payqa pisillamantan tukuy mana allinkunata chinkachipunqa, chayta ruwaspan “ñawinchismanta tukuy weqeta pichanqa” (Apo. 21:4). Jamuq tiempopiqa manañan ima sasachaypipas tarikusunñachu, chayta yachayqa anchatan kallpachawanchis.

T’AQANASQA RUNAKUNA UKHUPI JUJLLACHASQA LLAQTA NISQA VIDEOTA QHAWASPA, KAYTA TAPUYKUNATA KUTICHIY:

• ¿Ima sasachakuykunapin Estados Unidos nacionpi hermanonchiskuna tarikuranku?

• ¿Imakunata ruwaspan munakuq pacienciakuq kasqankuta rikuchiranku?

• ¿Iman hermanonchiskunapaq aswan importante karan? (Filip. 1:10).