Lunes 20 octubre
Mosqokusqaytachus mana willawankichis, manataq sut’inchawankichispaschu chayqa, cuerpoykichismi askhaman kuchusqa kanqa (Dan. 2:5).
Rey Nabucodonosormi mosqoyninpi juj jatun idolota rikusqa. Jinan Babiloniapi llapa yachayniyoq runakunata Danieltawan nirqan imatachus mosqokurqan, imaninanchus chay mosqokusqan chayta willanankupaq. Mana atiqtinkuqa wañunankun karqan (Dan. 2:3-5). Jinan Danielqa “reyman rispa astawan tiempota mañakurqan mosqokusqanta […] sut’inchananpaq” (Dan. 2:16). Chay kutikamaqa Danielqa manachus jina pimanpas ima mosqoytapas willanmanraqchu karqan. Danielqa apurayllan amigonkunawan rimarqan “Paykunatan valekurqan reypa mosqokusqanta janaq pacha Dios sut’inchananpaq khuyapayakuyninta rogakunankupaq” (Dan. 2:18). Jehová Diosqa uyarimurqanmi mañakusqankuta. Chhaynapin Danielwan amigonkunapiwan wañuymanta librakurqanku. w23.08 2 párr. 4
Martes 21 octubre
Tukukuykama aguantaqmi ichaqa salvasqa kanqa (Mat. 24:13).
Pacienciayoq kaspaqa kusisqan kausasun, manataqmi imawanpas colerasunpachachu. Pacienciakuq kayqa allinmi saludninchispaqpas yuyayninchispaqpas. Allintan jujkunawanpas apanakusun, jujllan kasun iñiq t’aqapipas. Jujkuna imataña ruwankuman chaypas manan phiñakusunchu, aswanmi thajlla kasun (Sal. 37:8; Prov. 14:29). Astawanqa Jehová Dioswanmi allin amigontin kasun; pacienciakuq kaspaqa paytan qatikushanchis. Manaña facilchu pacienciakuq kay chaypas, Jehová Diospa yanapayninwanqa atillasunmi pacienciakuq kayta. Pacienciallawanmi gobiernontapas suyakusun. Yachasqanchis jina, “Jehová Diospa ñawinqa manchakuqninkunapin kashan, paypa ñawinqa mana tukukuq munakuyninta suyakuqkunapin kashan” (Sal. 33:18). Chhaynaqa kallpachakushallasun pacienciayoq kananchispaq. w23.08 22 párr. 7; 25 párrs. 16, 17
Miércoles 22 octubre
Manachus allin kaqkunata ruwasunman chayqa, wañusqan iñiyninchisqa kashanman (Sant. 2:17).
Mayqen cristianopas qhapaqkunata allinpaq qhawarinman wajchakunatataq pisichanman chayqa, iñinmanña chaypas, ruwasqanwanmi rikuchishan yanqa iñiq kasqanta (Sant. 2:1-5, 9). Iskay kaq ejemplo: pipas hermananta hermanontapas rikunman pisi p’achayoqta mana mijunayoqta, manataq yanaparinmanchu chayqa, iñiqña kanman chaypas, yanqa iñiqmi kashanman (Sant. 2:14-16). Santiagoq Rahabmanta rimarqan (Sant. 2:25, 26). Rahabqa allintan yacharqan pis Jehová Dios karqan, imaynas Israel runakunatapas yanapasharqan chaytapas (Jos. 2:9-11). Iskay Israel runakunatan pakarqan llaqtamasin runakuna ama wañuchinanpaq. Chayta ruwasqanraykun chaninpaq jap’isqa karqan. Paymanta Bibliapi willasqanmi sut’ita rikuchin imaynas iñiq kasqanchistaqa ruwasqanchiswan rikuchinanchis chayta. w23.12 5, 6 párrs. 12, 13