Jatun torre

Jatun paraq kasqan qhepamanmi Noepas wawankunapas wawakunayoq kapurqanku. Jinan astawan yapakuspanku runakunaqa jallp’antinman ch’eqerirqanku Jehová Diospa nisqanman jina.

Wakinmi ichaqa Jehová Diosta mana kasukurqankuchu, jinan nirqanku: “¡Kaypi qhepakusun jinaspa llaqtata sayarichispa jatunkaray torreta ruwasun. Chhaynapin allin reqsisqa kasun!”, nispa.

Jehová Diosmanmi ichaqa mana gustarqanchu chay ruwasqanku, jinan tatichipurqan. ¿Imaynata tatichirqan? Qonqayllamantan runakunata juj rimaykunata rimachipurqan. Mana entiendenakusqankuraykun torre ruwayta saqepurqanku. Jinan runakunaqa chay llaqtata suticharqanku Babel nispa. Chayqa “mana entiendenakuy” ninanmi. Torreta ruwaq runakunaqa jinantin ladomanmi ripurqanku. Chaywanpas mana allin kaqtan ruwashallarqanku. ¿Pillapas Jehová Diosta munakurqanchu? Chaymantan qatimuqpi yachasunchis.