2 Samuel

22 Davidca Jehová Dios paita Saulmanda y paipa tucuilla enemigocunamanda salvashca punllami cai cancionda Jehová Diosman candarca. 2 Davidca nircami:

“Jehová Diosca ñuca pacajuna jatun rumishna, ñuca pacajuna pushtushnami* can. Paica ñuca salvadormi can.

 3 Ñuca Taita Diosca ñuca jatun rumishnami can. Paipimi pacajuita ushani.

Paica ñuca escudoshna, ñuca poderoso salvadormi* can. Paica ñuca pacajuna pushtushnami can.

Ñucata ayudachunga ñuca Taita Diostami mascaita ushani. Paimi ñuca salvador can. Canga nali gentecunamandami salvahuangui.

 4 Jehová Diosca alabai tucunami can. Paitami ñucata ayudachunga mañani.

Shinami ñuca enemigocunamanda salvai tucusha.

 5 Huañuica yacu olacunashnami ñucataca muyuriahuajurca.

Riopi ninanda yacu jundamunshnami ashtaca nali gentecunaca manllachihuanajurca.

 6 Huañuica* ñucataca cabiacunahuan shinllita charijuj cuendami carca.

Huañuica ashagumandami na japihuarca.

 7 Ñucaca llaquipi cashpami Jehová Diospa ayudata mañarcani.

Ñucaca ñuca Taita Diospa ayudatami mañashpa catircani.

Shinami paica paipa templo huasimanda ñucata uyahuarca.

Ayudahuachun caparijujpica paica* uyahuanmi.

Cielocunapa cimientocunapash chujchushpami caiman chaiman cuyurirca.

 9 Paipa singamandaca cushnimi llujshimurca.

Y paipa shimimandaca ninanda rupajuj ninami llujshimurca.

Paimandaca rupajuj ninami llujshimurca.

10 Taita Dios uriajujpimi cielomanda fuyucunaca alpaman ashtahuan uriajumunshna carca.

Y paipa chaqui ucumanga yana fuyucunami tiarca.

11 Paica querubín ángel jahuapi volashpami shamurca.

Paica shuj angelpa* alas jahuapimi ricurimurca.

12 Shuj carpa huasita churanshnami paipa muyundipica amsa amsata churarca.

Yana yana yacucunata, llasha fuyucunatami churarca.

13 Paipa ñaupapica shuj rayomi brillarca. Chaimi rupajuj ninaca japirirca.

14 Jehová Diosca jahua cielomandami culunlla huacachimurca.

Jatun Taita Diosca* paipa voztami uyachimurca.

15 Paipa flechacunata disparashpami ñuca enemigocunataca caiman chaiman calpachirca.

Shinallata rayocunata cachamushpami paicunataca ninanda manllachirca.

18 Paica alipacha shinlli enemigocunamandami salvahuarca.

Ñucata odiajcunamandapashmi salvahuarca. Paicunaca ñucata yali shinllicunami carca.

19 Paicunaca ñuca llaquipi cashca punllapimi atacahuarca.

Pero Jehová Diosmi ñucataca ayudahuarca.

20 Paica shuj seguro* pushtumanmi apahuarca.

Paica ñucahuan cushilla caimandami salvahuarca.

21 Ñuca alita rurashcamandami Jehová Diosca recompensahuan.

Ñuca maquihuan ima nalitapash na rurashcamandami* paica bendiciahuan.

22 Ñucaca Jehová Diospa ñangunapimi catishcani.

Taita Diosmanda caruyana nalitaca na rurashcanichu.

23 Taita Diospa decisiongunataca siempremi yarini.

Y paipa ordenanzacunamandaca na anchurishachu.

24 Taita Diospa ñaupapica limpiomi ricurishpa catisha.

Ama nalita rurangapapashmi cuidarisha.

25 Ñuca alita rurashcamanda Jehová Dios bendiciahuachun.

Paipa ñaupapi ima nalitapash na rurashcamanda bendiciahuachun.

26 Canda na saquijcunataca canbash na saquinguichu.

Sin culpa runataca canga alita rurashpami tratangui.

27 Alita rurajcunataca canbashmi paicunataca siempre alita rurangui.

Umachij runahuanga canga na umachi tucunguichu.

28 Canga humildecunatami salvangui.

Pero jariyashcacunataca nalicachishpami ricungui. Paicunataca humillashpami saquingui.

29 Jehová Dioslla canga ñuca lamparagushnami cangui.

Ñuca muyundipi yana yanataca Jehová Diosmi punchayachin.

30 Canba ayudahuanmi shuacunataca atacaita ushani.

Taita Diospa poderhuanmi shuj jatun pircata vitsaita ushani.

31 Taita Diospa* ñanga perfectomi can.

Jehová Diospa nishcacunaca perfectomi can.

Paipi tucuilla pacajujcunapaca paica shuj escudo cuendami can.

32 Jehová Diosmanda aparteca shuj Diosca na tianllu.

Ñucanchi Taita Diosca shuj jatun rumishna shinllipachami can. Paishnaca nipipash na tianllu.

33 Taita Diosca* ñucapaca shuj shinlli pacajuna pushtushnami can.

Paimi ñuca ñandaca rectoyachinga.

34 Paica ñuca chaquicunaca venadopa chaquicunashna ligero cachunmi ayudahuan.

Paimi jacacunapipash shinllita shayachihuan.

35 Paimi guerrapaca entrenahuan.

Ñucaca bronce arcotapashmi doblaita ushani.

36 Ñuca salvari ushachunmi canba escudota cuhuangui.

Canba humildadmi ñucataca jatunyachihuan.

38 Ñuca enemigocunataca catiriashpami tucuchishpa saquisha.

Paicunata tucuchishpa saquingacamanga na tigramushachu.

39 Paicunataca ama jatarichunmi llapishpa tucuchisha.

Paicunaca ñuca chaqui ucupimi urmanga.

40 Canmi macanajuipaca fuerzata cugrihuangui.

Ñuca enemigocunata vincichunmi ayudagrihuangui.

41 Ñuca enemigocunataca ñuca ñaupamandami calpachigringui.

Ñucata na ricunayachijcunataca tucuchishpami* saquisha.

42 Paicunaca ayudachunmi caparinajun. Pero paicunata salvangapaca nipipash na tianllu.

Paicunaca Jehová Diosta caparinajujpipash paica na contestanllu.

43 Paicunataca alpa polvotashna ñutuyangacamanmi cutashpa saquisha.

Ñutushpami callecunapi turutashna sarushpa saquisha.

44 Ñuca llactamanda gentecunallata criticahuajpipash canmi difindigrihuangui.

Llactacunata gobernachunmi protegigrihuangui.

Ñuca na rijsishca gentecunami ñucataca sirvihuanga.

45 Shuj llactamanda gentecunaca manllaihuanmi ñuca ñaupapi cumuringapaj shamunga.

Ñucamanda parlashcata uyashpami cazuhuanga.*

46 Shuj llactamanda gentecunaca manllanajungami.*

Paicunaca paicunapa jatun pircacunahuan muyundi pircashca llactacunamandami chujchushpa shamunga.

47 Jehová Diosca causajuj Diosmi can. Ñuca Jatun Rumishna Taita Diosca alabai tucushca cachun.

Taita Diosca ñuca salvarina jatun rumishnami can. Paica jatunyachi tucushca cachun.

48 Taita Diosmi* ñuca shutipi vengarin.

Gentecunata ñuca gobernachunmi paica gentecunataca juzgan.

49 Paimi ñucapa enemigocunamandaca salvahuan.

Canmi ñucata atacajcunamanda ashtahuan jahuapi churahuangui.

Canmi ñucata llaquichingapaj munaj runamandaca salvahuangui.

50 Jehová Dioslla chaimandami candaca llactacunapurapi agradicisha.

Canba shutitapashmi alabashpa* candasha.

51 Ñucami canba agllashca rey David capani. Canmi ñucata salvangapaca jatun cosascunata rurangui.