Ester
10 Rey Asueroca paipa llactacunapi y mar yacupa islacunapi causaj gentecunataca, shinllita trabajachunmi mandarca.
2 Chai tiempocunapi Media y Persia llactamanda reycunata imacunalla pasajtaca, shuj libropimi escribin carca. Chai libropimi paipa poderta utilizashpa, tucui ima jatun cosascunatalla rurashcatami escribishca carca. Shinallata chai libropica rey imashinapacha Mardoqueota jatunbi churashcatapashmi escribishca carca. 3 Porque chai llactapica rey Asueropa jipaca, Mardoqueomi ashtahuan importante jari carca. Mardoqueoca judiomi carca. Judiocunapurapica paimi ashtahuan alicachi tucushca* carca. Y paipa tucuilla gentecunami paitaca ninanda respetan carca. Mardoqueoca paipa tucuilla gentecunamandami trabajan carca. Shinallata paicunapa huahuacunapa* alitapashmi mascan* carca.