2. Yarjai tiana
“Ninan yarjaimi tianga” (MARCOS 13:8).
● Shuj jariguca Niger llactamanda shuj uchilla pueblogupimi causangapaj rin. Paipa primocunapash, huauquicuna, panicunapash paicunapa propio llactapi ninan yarjai tiashcamandami paicunapash chai pueblogupillata causangapaj rishca. Chai jariguca llaquillami shuj esterapi siririn. ¿Imamandata paica shina rurarca? Chai pueblomanda Sidi shuti jefeca “paipa familiata na mantini ushaimanda, ninanda pinganayachimandami shina ruran” ninmi.
INVESTIGACIONGUNACA ¿IMATATA RICUCHIN? Mundo enteropica cada 7 gentecunamandami shujca yarjai pasan. Ashtahuanbachaca África subsahariana llactapimi ninan yarjai tian. Chaipica cada quimsa gentecunamandami shujca micuitapash na micuimanda irquiyan. Cai situación imashina cashcata ali intindingapaca caipi pensaripashunchi. Shuj familiapica taitandi mamandi shuj huahuagundi cashcanman. Shinapash ishcaipalla micuna tiajpica talvez taita o talvez mamami na micunata dicidina tucun. Chaipi causajcunaca cada punllami shina pasana tucun.
¿IMATATA HUAQUINGUNACA NISHCA? Ñucanchi alpagupica ashtaca ashtaca micunagumi fucun. Shinapash pipash aliguta organizashpa tucuicunamanllata pactachichunmi minishtipanchi ninmi.
¿CHAICA CIERTOCHU CAN? Pundacunahuan ricushpaca cunanbica ashtahuan micunacunami tian. Chai micunacunataca shuj shuj ladocunamanbashmi cachashca. Shinapash gobiernocuna tucui gentecunaman micunaguta carashpa ama yarjai tiachunmi imagutapash rurana can. Pero tauca huatacunata huaquingunalla shina esforzarijpipash yarjaica tiashpami catishca.
¿IMATATA YUYAPANGUI? ¿Marcos 13:8pi shimicunaca ciertopachachu pactarinajun? Cunanbi ashtahuan ali tecnologiacuna tiajpipash ¿imamandata yarjaitaca na tucuchi ushashca?
Terremotocuna, yarjaipash tucurimui punllacunapi causanajushcatami ricuchin.
[Comentario]
“Quimsa huahuacunamandaca shujca diarreamanda, neumoniamanda, shuj ungüicunamandami huañun. Chai ungüicunahuan huañushca huahuagucunaca paicuna ali micushpa causashca cashpaca na huañunmanllu carca”. (ANN M. VENEMAN, EX DIRECTORA EJECUTIVA DE UNICEF)
[Reconocimiento]
© Paul Lowe/Panos Pictures