Testimonio cabal del Reino de Dios
1. Cai 12 de agosto semanamandaca ¿imatata Diospa Shimimanda Yachajungapaj tandanajuipica yachajupashun?
1 Cai 12 de agosto semanamandaca Diospa Shimimanda Yachajungapaj tandanajuipica “Testimonio cabal” librotami yachajui callarishun. Cai libromi ñucanchitaca Hechos libropi ima pasashcata pensarishpa aliguta intindichun ayudanga. Cai libropica textocunataca na shugu shugu yachajushunllu. Ashtahuangarin imata ñucanchiman yachachijta, chaipi yachajushcacunata ñucanchi causaipi imashina pactachinatami yachajupashun (Rom. 15:4).
2. “Testimonio cabal” libroca ¿imashinata can?
2 Cai libroca ¿imashinata can? Página 2pica, cai librota aliguta yachajupanguichi nishpami Cuerpo Gobernanteca shuj juyailla cartaguta escribishca. Capítulo 2manda callarishpaca tucui capítulo callaripimi ashalla shimicunapi imata chai capitulopi yachajunata nijun. Chai jipaca ima textocunata chai capitulopi yachajunatapashmi nijun. Shinallata tauca capitulocunapica recuadrocunami tian. Chaipica chai tiempopi gentecunamanda, llactacunamanda o shuj cosascunamandapashmi yachachijun. Hoja manñacunapipash anotangapaj ashtaca espaciomi tian. Shinallata, apostolcunapa punllacunapi huauquicuna maijan caru llactacunapi villachijushcata ricuchunga, libropa pasta ucupica mapa nishca dibujucunapashmi tian.
3. Cai librotaca ¿imashinata yachajupashun?
3 ¿Imashinata yachachina can? Ashtaca subtitulocunapa ladopica ima textocunamanda yachachigrijushcatami villajun. Subtitulopa parrafocunata nara liishpallatami chai textocunataca quichua Bibliapi liina can. Textocuna yapa largo cajpica yachachijuj huauquimi ricuna can maijan textocunatalla liina cashcata. Cai libro na quichuapi tiajpipash, tapuicunata respuestacunataca quichuapimi rurana can. Yachachijuj huauqui imapash comentariota ningapaj munashpapash quichuapimi rurana can. Shinallata, cai libropi dibujucunaca ñaupa tiempocunapi ima pasashcatami intindichijun. Chaimandami yachachijuj huauquica chai dibujucunata aliguta intindichina can. Aliguta intindichichunga cai libropa último paginapimi dibujucuna imamanda parlajujta villachijun.
4. Cai librota aliguta intindingapaca ¿imatata rurana capanchi?
4 Cai librota aliguta intindingapaca, tandanajuiman nara rishpallata aliguta prepararipashunchi, comentariocunata cungapapash prepararipashunchi. Shinallata tucui tandanajuicunaman ripashunchi, imata yachajushcata imashina pactachinatapash pensaripashunchi. Shinaca cai librota aliguta yachajushpa tucuicunaman Diospa Reinomanda aliguta villachipashunchi (Hech. 28:23).