Profetacunapa ejemplota catishunchi: Amós
1. Amospa ejemploca ¿imashinata ñucanchitaca animan?
1 Huaquinbica ¿nachu pobrellagumi cani o escuelataca na tucuchishcanichu nishpa Diospa Reinomanda villachitaca na ushashachu nipashcangui? Shina cashpaca ama llaquiripaichu. Profeta Amosca llamacunata michishpa, ali fucuchun nishpami jigoscunata tujsishpa trabajan carian. Shinapash Jehová Diosca minishtirishca villaicunata gentecunaman villachunmi Amostaca agllarca (Amós 1:1; 7:14, 15). Cunanbipash ali villaicunata villachunga pobrella gentecunatami Jehová Diosca agllashca (1 Cor. 1:27-29). Shinaca shuj gentecunaman villachichunga ¿imashinata Amospa ejemploca ñucanchita ayudanga?
2. ¿Imamandata jarcaicuna ricurijpipash villachishpa catita ushapanchi?
2 Jarcajpipash villachishpami catirca. Amosca Jehová Dios mandajpimi Israel llactapa 10 jatun familiacunaman villachirca. Chaimandami Amasiasca nirca, caipi gentecunata tranquilo saqui, ñami caipica ñucanchi religionda charinchi, caimanda ri nishpa (Amós 7:12, 13). Ashtahuangarin rey Jeroboán Amosta jarcachunga Amasiasca Amospa nishcacunataca mirachishpami parlarca (Amós 7:7-11). Shinapash Amosca na manllashpami villachishpa catirca. Cunanbipash Diospa Reinomanda ama villachichunmi huaquin religiongunaca gobiernocunapa ayudata mascan. Shinapash na manllanachu canchi. Jehová Diosca, ima jarcaicuna ricurijpipash cangunata mishachunga na saquishachu nishcami (Is. 54:17).
3. Cunanbica ¿imacunamandallata villachipanchi?
3 Jehová Dios imashina llaquichinata, bendicianatami villarca. Profeta Amosca Israel llactaca llaquichi tucungami nishpami villarca (Amós 9:13-15). Shinapash Amós librota escribi tucuchijushpaca nircami, Taita Diosca cutinmi paipa llactata shayachishpa bendicianga nishpa. Ñucanchicunapash Dios llaquichina punllamanda parlashpapash Diospa Reinopa ali villaicunatami ashtahuanbachaca villachinchi (2 Ped. 3:7; Mat. 24:14). Nali gentecunata Armagedonbi tucuchishpami ñucanchimanga shuj juyailla paraíso Alpaguta cunga (Sal. 37:34).
4. Jehová Diospa mandashcataca ¿imamandata pactachi ushashun?
4 Jarcaicuna ricurijpipash Jehová Diosman mingarishcata pactachina, cazunaca na facilchu can (Juan 15:19). Shinapash na llaquirijunachu capanchi. Imashinami Amosta ayudarca shinallatami Jehová Diosca ñucanchitapash ayudanga (2 Cor. 3:5).