Punda revistacunata saquipashunchi
Gentecunaman saquinapa randi punda revistacunata huasipi alichishpa o shitashpaca na pitapash ayudanajunchichu. Huaquingunaca shuj revistatalla liishpami Bibliata yachajungapaj o Jehová Diosta rijsingapaj munashca (Rom. 10:13, 14). Shinaca, punda quillacuna llujshishca revistacunata gentecunaman saquingapaj huaquin yuyaicunata ricupashunchi.
Huaquinbilla villachijuj territoriocunapi pipash na huasipi cajpica, ñanda yalij gentecuna na ricunalla pushtupi shuj revistata saquipashunchi.
Bus paradacunapi villachinajushpaca, busta shuyajuj gentecunata tapupashunchi, ¿nachu imagutapash liingapaj munapanguiman? nishpa. Chai jipaca punda quillacuna llujshishca revistacunata ricuchishpa maijan gushtashcata saquipangui.
Ñucanchi territoriopi doctorpaman rishpa o maijan oficinapi shuyanajushpapash chai shuyajuj pushtucunapi revistacunata saquinallami canchi. Pipash chaipi cuidajujpica paita permisota mañashparami revistacunataca churana canchi. Shinapash ña revistacuna tiajujpica na saquinachu canchi.
Revisitacunata rurangapaj prepararijushpaca tapuripashunchi: ¿Huahuacunata charinllu? ¿Viajanata gushtanllu o plantacunata gushtanllu? nishpa. Chai jipaca punda revistacunata ricushpa pai alicachina temata agllashpa saquingapaj ripashunchi.
Bibliamanda parlanata gushtaj gentecunahuan huaquin quillacuna jipa tuparishpaca, maijan tematata gushtapanguiman nishpami punda revistacunata ricuchinalla canchi.