Uchalla chayashunchi
1. Jehová Diosca ¿imashinata ricuchishca na imatapash jipayashpa ruraj Dios cashcata?
1 Jehová Diosca na imatapash jipayashpa ruraj Dios cashpami ñucanchi minishtijuj horaspi ayudan (Heb. 4:16, Traducción del Nuevo Mundo). Publicaciongunatapash minishtijuj horaspimi cun (Mat. 24:45). Nalicunata tucuchina punllapash “na jipayangachu” (Hab. 2:3). Jehová Dios chashna Dios cashcata ricushpaca ninandami cushijunchi (Sal. 70:5). Shinapash ñucanchicunaca ashtaca cosascunapi ocuparijuimanda, juchayucuna caimandami jipayana costumbreta charinchi. Shinaca ¿imamandata uchalla chayana costumbreta japina canchi?
2. ¿Imamandata gentecunaca Testigocuna uchalla chayajta ricushpaca Jehová Diosta jatunyachin?
2 Cai tucuri punllacunapi gentecunaca paicunapillami pensarin. Uchalla chayana costumbretaca na charinllu (2 Tim. 3:1-3). Chaimandami ñucanchicuna trabajoman, tandanajuicunaman o maimanbash uchalla chayajta ricushpaca ñucanchicunatapash alicachishpa Jehová Diosta jatunyachin (1 Ped. 2:12). Pensaripashunchi: ¿Trabajoman uchalla chayashpapash tandanajuicunaman, villachinacunamanga jipayashca chayana costumbretachu charinchi? Narapash canticota candajpillata, oracionda nara rurajpillata tandanajuiman chayashpami Jehová Diospa ejemplota catishpa ordenado cangapaj munashcata ricuchinchi (1 Cor. 14:33, 40, NM).
3. Uchalla chayashpaca ¿imashinata shujcunata respetashcata ricuchinchi?
3 Uchalla chayashpami shujcunatapash respetashcata ricuchinchi (Filip. 2:3, 4). Ali uyashpa tianajujcunata ama molestangapaca tandanajuicunamanbash villachingapaj llushina grupocunamanbash uchallami chayana canchi. Jipayashpa chayana costumbreta charishpaca, ñuca tiempomi ashtahuan valishca nijuj cuendami canchi. Cutin uchalla chayashpaca arreglocunata respetashcata, imatapash uchalla rurangapaj munashcatami ricuchinchi. Ashtahuangarin uchalla chayajpimi shujcunapash ñucanchipi confiashpa ñucanchitaca alicachinga.
4. Jipayashcalla chayajushpaca ¿imatata rurana capanchi?
4 Jipayashcalla chayajushpaca tapuripai ¿imamandata jipayajuni? nishpa. Chai jipaca ñucanchi tiempohuanga aligutami organizarina canchi (Ecl. 3:1; Filip. 1:10). Jehovatapash mañanami canchi (1 Juan 5:14). Uchalla chayashpami Jehová Diostapash, shujcunatapash juyashcata ricuchinchi (Mat. 22:37-39).