Ejemplos de fe
1. Diospa Shimimanda Yachajungapaj tandanajuipica ¿ima librotata yachajugrinchi?
1 Diospa Shimimanda Yachajungapaj tandanajuipica, 19 de octubre semanamandaca Ejemplos de fe nishca librotami yachajui callarishun. Chai libroca punda tiempopi Jehovata ali sirvishpa causashca 14 jaricuna, huarmicunamandami parlan. Chai librota liishpaca, chai gentecuna causajushca tiempopi causajushcashnami sintirishun. Shinallata, Jehovata ali sirvinamanda paicuna ima llaquicunata, problemacunata chimbapurashcatami ricushun. Ashtahuanbash, ñucanchi causaipi imata ruranatami yachajushun (Heb. 6:12).
2. Ejemplos de fe libroca ¿imashinata can?
2 Chai libroca ¿imashinata can? Chai libropi parlashca gentecuna ima huatapi, maipi causashcata ricuchingapaca fechacunata, mapa nishca dibujocunatami charin. Cada capitulopimi “Preguntas para pensar” nishca recuadro tian. Chai recuadroca imata yachajushcata yarishpa, ñucanchi causaipi imashina pactachinata yachajuchunmi ayudan. Ashtahuanbash, cai libropi juyailla dibujocunaca imata liijushcapi pensarishpa, chaipi cashcashnallata sintirichunmi ayudan.
3. Chai librota ali yachajungapaca ¿imatata rurana capanchi?
3 Ali yachajungapaca ¿imatata rurana capanchi? Chai libropa callari hojapica, Cuerpo Gobernantemanda huauquicunaca shuj cartatami escribishca. Chai cartapica ninmi: “Cai libropi parlashca gentecuna ima llaquicunata charishcata liishpaca, chaipi cashcashna pensarichun, paicunapa randi ñuca chaipi cashpaca ¿imatashi ruraiman carcani? nishpa pensarichunmi animanchi”. Shinapash, ñucanchi munashcataca na pensarinachu canchi. Chaipa randica, pimanda liijushpapash ñucanchicuna chaipi cashcashnami pensarina canchi. Chaipaca, liishcapi pensaringapami tiempota llujchina canchi (Neh. 8:8). Chaupi capitulomanda yachajushpa catina tucujpica, yachachijuj huauquica shuj minutopillami yalishca semanapi yachajushcata yarichina can. “Preguntas para pensar” nishca recuadrota chai semanapi na yachajuna cajpica, na yachachinachu can. Shinapash, imata yachajushcata yaringapaca shuj o ishcai tapuicunatami yachachijuj huauquillata rurana can.
4. Ejemplos de fe nishca librota yachajunaca ¿imamandata minishtirishcapacha can?
4 Cai mundopa ruraicunaca ñucanchi fe chiriyachun, espiritualmente huañuchunmi cada punlla imacunahuanbash pandachijun. Shinapash, ñucanchi fe shinlliyachunmi Jehová Diosca cai librota, La Atalaya revistapi Ejemplos de fe nishca temacunatapash cushca (Sant. 1:17). Shinaca cai librota ali yachajungapaca, Diospa Shimita Yachajungapaj tandanajuiman shamushpa, comentariocunata cungapami tucuicuna esforzarina canchi.