BIBLIAPA VALISHCA YUYAICUNA | ISAÍAS 1-5
“Mandaj Diospaj urcuman vichai rishunchi”
2:2, 3
‘Tucurimui punllacuna’ |
Cunan causanajunchi punllacunami can. |
‘Mandaj Diospa huasipi shayajuj urcu’ |
Taita Diosta ali adoranatami ricuchin. |
“Tucui llactacunamandami, chai urcuman calpamunajunga” |
Taita Diosta ali adorajcunaca shujllashna tandanajushcacunami can. |
“Shamuichi, Mandaj Diospaj urcuman vichai rishunchi” |
Taita Diosta ali adorajcunaca shujcunapash paicunahuan tandanajushpa adorachunmi invitan. |
“Chaipimi, pai munashcashna causanaguta yachachinga. Chaita yachajushpami, paipaj ali ñangunata cati ushashun” |
Jehová Diosca Bibliahuanmi ñucanchitaca yachachin, pai munashcashna causachunbash ayudan. |
2:4
“Macanajuita yachachinapash, na ashtahuan tiangachu” |
Taita Diosta sirvijcuna pihuanbash na macanajushpa tranquilo causanata ricuchingapami, Isaías libropica macanajuna herramientacunataca alpapi trabajana herramientacunamanmi tigrachin nin. Profeta Isaiaspa punllacunapica ¿ima herramientacunata tiarca? |
“Espadacunataca, yapuna rejacunaman tigrachinga” |
Yapuna rejacunahuanmi alpata yapushpa amujyachin carca. Huaquin yapuna rejacunaca jirrumi carca (1 Sam. 13:20). |
“Lanzacunatapash, hocescunamanmi tigrachinga” |
Chai punllacunapi hoces nishcacunaca uchilla cuchillocunashna filo filomi cashcanga. Chaicunahuanmi uvas plantacunapi malquicunataca aliguta cuchun carca (Is. 18:5). |