Jehová ‘Dios quishpichina huata chayamushcata’ villachishunchi

Jehová ‘Dios quishpichina huatami chayamushca’ nishpaca, na shuj huata completomandachu parlajun

61:1, 2

• Jehová ‘Dios quishpichina huata’ nishpaca tiempomandami parlajun. Chai tiempopimi Jehová Diosca ali shungu gentecunamanga, ali villaicunata uyana oportunidadta cujun.

• Apostolcunapa punllacunapica, Jehová ‘Dios quishpichina huataca’, 29 huatapi callarishpami Jehová Dios ‘llaquichina’ huatapi tucurirca. Jehová Dios llaquichina huataca, huata 70​pimi carca. Chaipimi Jerusalén llactaca tucuchi tucurca.

• Cunan punllacunapica, huata 1914​pi mandangapaj autoridadta Jesús chasquijpimi, Jehová ‘Dios quishpichina huataca’ callarirca. Chai huataca Ninan Manllanai Llaqui Punllacunapimi tucuringa.

Jehová Diosca ‘[alita] ruraj quirucunata’ churashpami paita sirvijcunataca bendiciajun

61:3, 4

• Cai mundopi tiashca jatun jatun quirucunaca igual viñashpami bosque tucun. Shinami quirucunapash paicunapura ayudarin.

• Jatun quirucunapa sapicunaca, paicunapura liarishcacuna caimandami alpapica shinlli tucushpa, huairashpa shinllita tamiajpipash shayanajunlla.

• Jatun quirucunami chaira viñajuj quirucunataca llanduchishpa ayudan. Hojacunapash alpaman urmashpami abono tucun.

‘[Alita] ruraj quirucuna’ nishpaca, cai Alpapi puchushca ungidocunamandami parlajun. Chai huauquicunami mundo enteropi huauquipanicunataca ayudashpa, cuidanajun.