Bibliapi nishcacunata shuyanami cushilla sintirichun ayudan

Bibliapi nishcacunata shuyanami ñucanchitaca ‘barcota jirru charijunshna’ Jehovata ali sirvishpa catichun ayudan (Heb. 6:19; 1 Tim. 1:18, 19). Huaquinbica ñucanchillata pandarimanda, llaqui apashpa cosascunata chingachimanda, unaita ungushca caimanda, shuj familia huañushcamanda o imacunamandapashmi Jehovata cazushpa catinaca shinlli can.

Shinapash feta charimanda, Bibliapi nishcacunata shuyaimandami Jehová Diospa nishcacuna pactarinataca na ricushpapash crinchi (2 Cor. 4:16-18; Heb. 11:13, 26, 27). Chaimandami jahua pachaman rina cashpa o cai Alpapi causana cashpapash Bibliapa nishcacunapi cutin cutin pensarina canchi. Shinami llaquicuna o pruebacuna shamujpica cushilla ñaupaman catita ushashun (1 Ped. 1:6, 7).

“BIBLIAPI NISHCACUNATA SHUYASHPA CUSHIJUSHUNCHI” NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• ¿Imashinata Moisesca shuj ali ejemplota ñucanchiman saquirca?

• ¿Ima responsabilidadcunatata taitacunaca charin?

• ¿Imacunatallata Familiahuan Adorana Tutapica yachajuita ushapanchi?

• ¿Imashinata Bibliapa nishcacunapi shuyanaca llaquicunata aguantachun ayudan?

• Shamuj punllacunapica ¿ima pactarichunda ashtahuan munapangui?