“Cambaj taitata, cambaj mamata ninanda alicachingui”

Jesuspashmi cai alpapi cashpaca cashna nirca: “Cambaj taitata, cambaj mamata ninanda alicachingui” nishpa (Éx 20:12; Mt 15:4). Jesusca joven cashpapash paipa taitamamata aliguta cazushpa causaimandami shina ni usharca (Lu 2:51). Jesusca nara huañushpallatami, paipa mama ima minishtirishcaguta charichun tucuita segurashpa saquirca (Jn 19:26, 27).

Cunan punllapi Jehovata sirvij jovengunapash taitamamata cazushpa, respetohuan parlashpa paicunapa taitamamata alicachishcata ricuchin. Taitamamata alicachinaca ima horapash na tucuringachu. Ñucanchi taitamamacuna ña mayorlla cajpipash paicuna consejashcataca aligumanmi chasquina capanchi. Shinami paicunata alicachishcata ricuchinchi (Pr 23:22). Shinallata ñucanchi taitamamacuna llaquilla cajpi, culquiguta minishtinajujpi paicunata ayudashpami alicachishcata ricuchinchi (1Ti 5:8). Mashna huatacunata charishpapash ñucanchi taitamamahuanga siempremi parlana capanchi. Shinami paicunata alicachishcata ricuchishun.

PIZARRONBI DIBUJASHCA VIDEOCUNA: TAITAMAMAHUAN IMASHINA PARLANAMANDA NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Taitamamahuan parlanaca ¿imamandata huaquinbica shinlli ricurin?

• Taitamamahuan parlajushpaca ¿imashinata paicunata alicachishcata ricuchi ushangui?

  

• ¿Imamandata canba taitamamahuan parlangapaj esforzarina cangui? (Pr 15:22).