Taita Dios ¿imashinapacha cashcataca ricui ushapanchichu?

Shuj juyailla sisaguta, tutapi luzero junda cashcata o shuj jatun cascadata ricushpaca ¿ñucanchita Ruraj Taita Diospi yuyanchichu? Taita Diospa rurashcacunapimi, pai imashinapacha cashcataca ricui ushapanchi (Ro 1:20). Paipa rurashcacunapimi Taita Diosca tucui ushaita charij, juyaj, tucuita ali yachaj, alita ruraj o justo cashcata, shinallata na mitsaj Dios cashcatapash ricupanchi (Sl 104:24).

Jehová Diospa rurashcacunamandaca ¿imatata cada punlla ricupangui? Maipi causashpapashmi pajarogucunata, plantacunataca ricui ushapangui. Jehovapa rurashcacunata ricunami problemacunata charishpapash tranquilo, ali sintirichun ayudan. Shinallata, Jehová Dios ñucanchicunata siempre cuidanapi confiachunbashmi ayudan (Mt 6:25-32). Huahuacunata charishpaca, Jehová Dios imashina cashcata ricuchun yachachipangui. Jehová Diospa rurashcacunamanda agradicishca cashpaca, ashtahuanmi paiman quimirishun (Sl 8:3, 4).

JEHOVÁ DIOSPA JUYAILLA RURASHCACUNAMI PAI IMASHINA CAJTA RICUCHIN: INDIMANDAMI COLORCUNATACA RICUI USHAPANCHI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• ¿Imamandata ashtaca colorcunataca ricui ushapanchi?

• ¿Imashpata huaquin colorcunaca shuj shuj ladomanda ricujpica cambian?

• ¿Imamandata cieloca shuj shuj colorcuna tucujta ricupanchi?

• ¿Quiquin causajuj pushtupica ima juyailla colorcunatata ricupashcangui?

• ¿Imamandata Taita Diospa rurashcacunata ricungapaca tiempoguta llujchina capanchi?