Bibliata cada uno yachajunami, ninanda ayudanga

¿IMAMANDATA MINISHTIRISHCA CAN? Bibliata cada uno yachajunami ‘vichaimambash, quinraimambash, jahuamambash, alpa ucucamambash’ Jehová Dios imata yuyashcata cabalta intindichun ayudan (Ef 3:18). Ashtaca nalicunata rurajcunapa chaupipimi causanchi, chai cosascunata ñucanchicunapash ama rurachun, ‘causaita caraj Shimitalla’ cazuchunga Bibliamanda cada uno yachajunami ayudanga (Flp 2:15, 16). Bibliamanda yachajujushpaca ñucanchi munashca temata agllashpami, yachajunalla capanchi. Shinapash Bibliata liijushpa ashtahuan yachajushpa catingapaca ¿imacunatallata rurai ushapanchi?

¿IMATATA RURASHUN?

• Bibliapipacha o tabletpi Bibliata liijushpaca huaquin minishtirishca notacunatami escribi ushapanchi.

• Liijushpaca “pi”, “ima”, “maipi”, “imahora”, “imashina”, “imamanda” cashcatami tapurishpa liina capanchi.

• Shuj temata o shuj textota ali intindingapaca informacionda mascanami capanchi. Chaipaca Bibliapa valishca yuyaicunata tari ushangapaj ayudacunatami utilizana capanchi.

• Ñucanchi causaipi imashina ayudajta ricungapami, liishcapica aliguta yuyana capanchi.

• Yachajushcataca ñucanchi causaipimi pactachina capanchi (Lu 6:47, 48).

BIBLIATA CADA UNO YACHAJUNAMI, DIOSPA SHIMITA ASHTAHUAN VALICHICHUN AYUDAN NISHCA VIDEOTA RICUSHCA JIPACA, CAI CATI TAPUICUNATA CONTESTAPANGUI:

• Bibliata cada uno yachajunamandaca ¿imatata huaquin huauquipanicunaca yuyan?

• Nara yachajui callarishpallata ¿imamandata Jehová Diostara mañana capanchi?

• Shuj textota ali intindichunga ¿imata ayudanga?

• Bibliapi o tabletpi yachajujushpaca ¿imacunahuanllata señalai ushapanchi?

• Taita Diospa Shimimanda yachajushcapi yuyanaca ¿imamandata importante can?

• Ñucanchi yachajushcahuanga ¿imatata rurana capanchi?