Tratadocunahuanga ¿imashinata parlai callari ushapanchi?

Enero de 2018 huatamandami, Tandanajuipi yachajungapaj hojapa callari paginapica parlai callaringapaj huaquin yuyaicuna llujshishca. Shinallata publicaciongunatalla gentecunaman saquinapa randica, gentecunahuan Bibliamanda parlachunmi ñucanchitaca animashca. Chaimandami Bibliata utilizashpa gentecunahuan parlai callarishpaca “Villachingapaj yuyaicuna” nishca partepi tiashca videocunaca ninanda ayudashca. Shinapash huasin huasin villachijushpaca ni maijan publicacionda ñana saquinataca na nijupanchichu. Por ejemplo, parlai callaringapaca tratadocunahuan villachinaca alimi can. Tratadocunahuan villachingapaca cai cati yuyaicunatami pactachi ushapanchi:

1. Tratadopa callari paginapi tiashca tapuitami rurai ushapanchi. Chai jipaca chaipi tiashca respuestacunamanda gentecunallata agllachun saquipangui.

2. Página 2​pi tiashca textotapash ricuchipangui. Gentecuna tiempoguta charijpica tratadopi tiashca yuyaicunata liishpa, yachachipangui.

3. Gentecunaman tratadota saquishpa, chai tratadota liichun animapangui.

4. Nara rishpallatami, tratadomanda “Tapuripai” nishca partepi tiashca tapuita rurai ushapangui. Shinallata chai tapuita Bibliahuan contestangapaj cutin tigrangapaj quidapangui.

Cutin visitajushpaca, saquishca tapuimanda respuestata yachachipangui. Chai jipaca cutin tigrangapaj shuj tapuita saquipangui. Chaipaca jw.org paginapi tiashca tapuicunamanda shuj tapuita agllaita ushapangui. Na cashpaca tratadopa ultimo paginapi ricurishca publicacionmanda shuj tapuita agllai ushapangui. Usharijpica Taita Diosmanda ali villaigucuna nishca folletota o Yachachingapaj publicacionguna nishca partemanda, Bibliamanda yachachingapaj shuj publicacionda saquipangui.