‘Cai pachapi causajcunaca, tucuicunami shujlla rimaita’ charirca

11:1-4, 6-9

Jehová Diosca paita na cazuj gentecuna shuj shuj ladocunaman richunmi Babel llactapi gentecunapa rimaita cambiarca. Shinapash cunanbica, Jehová Diosca shuj shuj llactacunamanda gentecunata, shuj shimita parlaj gentecunata paimanda yachajuchunmi tandachijun. Paicunatami ‘[“shujlla shimita parlajshna”, NM ] tucuicuna shujllashna yarishpa sirvinajuchun’ yachachijun (Sof 3:9; Ap 7:9). ‘Shujlla shimita parlajshna’ nishpaca Bibliapi Jehová Diosmanda, Jehovapa munaimanda cabalguta yachajunamandami parlajun.

Shuj mushuj idiomata yachajungapaca, shimicunatalla de memoria yachajunallaca na canllu. Ashtahuangarin ñucanchi yuyaitami cambiana capanchi. Shinallatami ‘shujlla shimita parlajshna’ o Jehovamanda cabalta yachajushpaca ñucanchi yuyaicunapash cambian (Ro 12:2). Shinaca yachajushpami catina capanchi. Shinami huauquipanicunahuan shujllashna tandanajushca cashun (1Co 1:10).