¿Imacunata rurashpata Jehová Diospi confiashcataca ricuchinchi?

Jehová Dios ayudanapi tucui shunguhuan confiaimandami Davidca Goliattaca huañuchirca (1Sa 17:45). Jehová Diosca paipa sirvijcunata ayudangapami munan (2Cr 16:9). Jehová Diospi tucui shunguhuan confiashcata ricuchingapaca ¿imatata rurana capanchi?

• Jehová Diostami siempre mañana capanchi. Taita Diostaca perdonahuai ningapallaca na mañanachu capanchi. Sino más bien ama imapash tentaciongunapi urmachun ayudahuangui nishpapashmi mañana capanchi (Mt 6:12, 13). Shinallata ña imapash decisionda agllashcamanda bendiciahuangui nishpalla mañanapa randica, aliguta decidingapaj ayudahuangui nishpa mañapangui (Snt 1:5).

• Bibliata liina costumbreta charipangui. Bibliataca cada punllami liina capanchi (Sl 1:2). Bibliapi parlashca ali runacunamanda, huarmigucunamanda yachajushpa paicunapa ejemplota catipangui (Snt 1:23-25). Shinallata predicangapapash aliguta prepararipangui. Shinallata ashtahuan yachajungapami nara reuniongunaman rishpallata aliguta prepararipangui.

• Jehová Diospa organizacionda tucuipi apoyapangui. Jehovapa organización cushca instrucciongunata tucuita cazupangui (Nú 9:17). Shinallata ancianocuna cushca instrucciongunata y consejocunata cazungapaj esforzaripangui (Heb 13:17).

CATIRIASHPA LLAQUICHINATACA NA MANLLANACHU CAPANCHI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Huauquipanicunaca ¿ima manllaicunatata mishana tucurca?

• Ama yapata manllangapaca ¿imatata huauquipanicunaca rurarca?