Jehová Diospi y Jesuspi tucui shunguhuan crichun Cushilla causapashunchi librota utilizapangui

Jehová Diospa ñaupapi ali ricuringapaca paipi tucui shunguhuan feta charinami minishtirin (Heb 11:6). Cushilla causapashunchi libroca gentecunapa shunguman chayachunmi ayudan. Cai libropica alipacha textocuna, intindirinalla yuyaicuna, alipacha tapuicuna, chimbapuraicuna y videocunapashmi tian. Si ñucanchi estudianteta Jehová Diospa ali amigo tucuchun y paicunapa causaipipash ali cualidadcunata charichun ayudanchica. Imapash pruebacuna o llaquicuna ricurijpipash paicunaca Jehová Diospi tucui shunguhuan crishpami catinga (1Co 3:12-15).

Huaquin gentecunapaca Taita Diosta na ricuita ushaimandami paipa ali amigo caitaca na usharinllu yuyan. Chaimandami gentecunataca Jehová Diosta rijsichun, paipi confiachun ayudangapaj munapanchi.

JEHOVÁ DIOSPI TUCUI SHUNGUHUAN CRICHUN “CUSHILLA CAUSAPASHUNCHI” LIBROTA UTILIZAPANGUI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• ¿Panigu paipa estudianteta aliguta explicangapaca preparadochu carca?

• Isaías 41:10 y 13​ta liishca jipaca paniguca ¿ima ali tapuicunatata rurarca?

• Estudiantetaca ¿imashinata videopash y Bibliapa textocunapash ayudarca?

Ashtaca gentecunami Jesús ñucanchimanda huañushcataca na crin. Paicunaca Jehová Dios ñucanchimanda imata rurashcataca na cuenta japinllu (Gál 2:20). Chaimandami Jesús ñucanchimanda huañushcapi feta charichun ayudana capanchi.

JESUSPI TUCUI SHUNGUHUAN CRICHUN “CUSHILLA CAUSAPASHUNCHI” LIBROTA UTILIZAPANGUI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Huauquigu estudiota cungapaca ¿imashinata ña preparado cashcata ricuchirca?

• Huauquiguca estudianteta ayudangapaca ¿imashinata “Caitapash ricupai” nishca parteta utilizarca?

• ¿Imamandata estudiantecunaca Taita Diosta mañana can?