¿Cai yuyaicunata yaripanguichu?

Huata 2020​pi Villajun revistapi llujshishca cai temacunata yaripanguichu? Huaquingunata yaripashunchi:

Ungidocunataca ¿imashinata tratana capanchi?

Ungidocuna Jehovata tucui shunguhuan sirvinajushcata ricushpaca ninandami cushijupanchi. Shinapash ungido cashcamandalla, Jehovata ashtaca huatacunata sirvijushcamandalla, ‘imatapash aliguta japingapajlla’ na yapata alicachijuna capanchi (Jud. 16). Imashinata ungido cashcataca yachaj chayarcangui nishpa na tapujunachu canchi (w20.01, pág. 29).

Jehová Dios quiquinda rijsishcataca ¿imashinata yachai ushapangui?

Bibliapica ñucanchicuna nara nacirijpillata Jehová Dios ñucanchita ña rijsishcata, ñucanchi mañaicunata uyan cashcata, ñucanchi shungupi imashina cashcatapash rijsishcatami yachachin. Jehová Diostaca cushilla o llaquilla sintichita ushapanchi (1 Crón. 28:9; Prov. 27:11). Jehovallatami paiman quimirichun ayudashca (w20.02, pág. 12).

Punda tiempopi causashca Jehovata sirvijcunaca ¿imashinata imahora parlanata o upalla quedanata yachachin?

Cushijushpami Jehová Diosmandaca parlapanchi. Shinapash pipash nalita ruragrijujpica uchallami paihuanga parlana capanchi. Anciano huauquicunaca pitapash consejajushpaca juyaihuan, na culirashpami consejan. Villachinata, tandanajunata prohibishca llactapi sirvijushpaca imashina villachinajushcata, tandanajunajushcataca pimanbash na villajunachu capanchi (w20.03, págs. 20, 21).

¿Joel libropi parlashca langostacuna Apocalipsis libropi parlashca langostacunahuanga igualchu can?

Joel 2:20-29​pi parlashca langostacunataca Jehová Diosca caru caruman cachashpa paicuna llaquichishcatapash Jehová Dios alichin. Chai jipaca Jehová Diosca paipa espiritutami talinshna tucui gentecunaman cachamun. Cai profeciaca Babilonia llactamanda soldadocuna Jerusalén llactata llaquichijpimi pactarirca. Cutin Apocalipsis 9:1-11​pi langostacunaca ungidocunatami ricuchin. Paicunaca Diospa reino cai nali mundota tucuchinataca na manllashpami villachin (w20.04, págs. 3-6).

Cunanbica ¿pita ‘jahua lado llactata mandaj’ can?

Rusia, paita apoyaj llactacunapashmi jahua lado llactata mandaj can. Paicunaca Testigocunata na ricunayachimandami ninanda llaquichinajushca. Shinallata villachichunbash na saquishca. Jahua lado llactata mandajca urai lado llactata jatun mandajhuanmi macanajujushca (w20.05, pág. 13).

¿‘Diospa espíritu granota fucuchinshna fucuchishca’ tucui cualidadcunamandachu parlajun? (Gál. 5:22, 23, NM ).

Na. Diospa espiritu santoca shuj shuj cualidadcunata charichunbashmi ayudan. Por ejemplo alita ruraj cachunmi ayudan (Efes. 5:8, 9) (w20.06, pág. 17).

Redes sociales nishcacunata ricushpaca ¿imashinata huaquingunaca sintirin?

Chai fotocunata huaquinguna ricushpaca quiquin yapata jariyajujtami pensai ushan. Shinapash humilde cashcata ricuchingapami esforzarina capanchi (w20.07, págs. 6, 7).

Pescadota japijcunamandaca ¿imatata Jehovata sirvijcunaca yachajuita ushapanchi?

Pescadota japijcunaca maipi pescadocunata tarinata, ima horas llujshijtapashmi ali yachan. Paicunaca ima minishtirishcatami charin. Chaicunata ali utilizanatapashmi yachan. Paicunaca mar yacu caiman chaiman ushashcata cuyurijpipash na manllashpami trabajan. Villachinajushpaca paicunashnami cana capanchi (w20.09, pág. 5).

Bibliamanda yachajuj Jehovata ashtahuan juyachunga ¿imatata rurai ushapanchi?

Bibliamanda yachajujmanga Bibliata cada punlla liichun, chai liishcapi pensarichun, Jehová Diosta mañachunbashmi yachachina capanchi (w20.11, pág. 4).

“Tucuicuna causachi tucunga” nishpaca ¿picunamandallata parlajun? (1 Cor. 15:22).

Apóstol Pabloca “tucuicuna causachi tucunga” nishpaca ‘Cristo Jesusmanda Diospalla tucushcacuna’ o ungidocunapash causarinatami nirca (1 Cor. 1:2; 15:18) (w20.12, págs. 5, 6).

Ungidocuna jahua cielopi causangapaj causarishpaca ¿imatata ruranga? (1 Cor. 15:51-53).

Ungidocunaca Jesushuanmi cai alpapi tucui gentecunata ‘jirru varahuan’ michinshna mandanajunga (Apoc. 2:26, 27) (w20.12, págs. 12, 13).