Testigo de Jehovacunaca paicunapa crishcacunamandami carcelpi churai tucushca | Ucrania

Ucrania llactapi testigo de Jehovacunaca, casi 30 huatacunatami objetores de concienciapa tiashca leymandaca beneficiariashca. Chai leymi testigo de Jehovacunataca servicio civil alternativota rurachun ayudashca. Chai ley tiashcamandami Testigocunaca, paicunapa concienciapi ali sintirishpa paicunapa comunidadcunapica shuj shuj cosascunata rurai ushashca.

Shinapash 24 de febrero de 2022tami Ucrania llactapica guerra callarirca. Chai punllamandami servicio civil alternativota rurai ushana leytaca ñana Ucrania llactapica respetanajun. Paicunapa concienciapi ali sintiringapaj munaimanda servicio militarta na rurajcunataca criminalcunata cuendami ninanda catiriashpa llaquichinajun. Ucrania llactapica, paicunapa creenciacunata charimanda paicuna concienciapi ali sintiringapaj munaj gentecunapa derechocunataca na respetanajunllu. Ni derechos humanoscunapi imata nijushcatapash, ni Ucrania llactapa leycunapi imata nijushcatapash na respetanajunllu. Ucrania llactapa shuj leypica nijunmi: “Si pipash paipa creenciacunamanda servicio militarta na rurangapaj munashpaca, servicio civil alternativota rurana derechotami charin” ninmi.

17 de septiembre de 2025manga, 5 testigo de Jehovacunami paicunapa concienciapi ali sintiringapaj munaimanda carcelpi churai tucushca. Paicunataca 5 huatata carcelpi cachunmi sentenciarca. Shinallata 3 Testigocunapashmi sentenciata cungacamanga prisión preventivapi nishcapi can.

Organización internacionalcunaca preocupadocunami can

Ucrania llactapi servicio civil alternativota rurana leyta na pactachinajushcamandami, ONUpa quimsa relator especialcunaca preocupadomi can. Paicunaca 8 de noviembre de 2023tami, Ucrania llactamanda gobiernomanga shuj comunicadota cachashpa cashna nirca: “Concienciapi ali sintiringapaj munaimanda servicio militarta na rurangapaj munajcunata y paicuna derechocunata difindijcunata imacunatalla ruranajushcata yachashpaca, ninandami preocuparipanchi” nircami.

Carcelpi caj testigo de Jehovapa datocuna

Olexánder Radashko

Olexánder huauquica 35 añostami charin. Año 2009pimi como testigo de Jehová bautizarirca. Paipa huarmiguca Marina shutimi can. Ishcai huahuacunatami paicunaca charin. Shujca jarigumi can. Paica Artiom shutimi can y 10 añostami charin. Cutin chaishujca ushigumi can. Paica Ana shutimi can y 8 añostami charin. Olexanderca construccionbimi trabajan.

Febrero de 2022pi tiai guerra tiai callarishcamandapachami, Olexánder y paipa huarmigu Marinaca guerramanda pacajushpa shamushcacunataca huasipi mingachishca. Shinallata, huaquinguna Salón del Reinopi asha tiempoguta quidachunmi Salón del Reinotapash alistashpa ayudarca. Shinallata, guerramanda pacajushpa shamushcacunaman huaquin cosasgucunata cushpa, Taita Diosmanda yachachishpa y emocionalmente ali sintirichun ayudashpami purinajushca.

Olexanderca, servicio militarta ama rurangapami servicio civil alternativota rurangapaj solicitarca. Shinapash 1 de febrero de 2025taca, huaquin soldadocuna japishpami paitaca a la fuerza cuartelman aparca. Chaipipashmi concienciapi ali sintiringapaj munaimandami servicio militartaca na rurangapaj munapani pero servicio civil alternativotaca rurapashallami nishpa explicarca. Chaimi, militarcunapa uniformeta na churajujpica, macashunmi nishpa amenazarca. Olexanderca na churajushachu nishpami shinlli shayarirca. Chaimandami paitaca Oficina Estatal de Investigacionesman aparca. 26 de febrero de 2025tami, Ucrania llactapa código penalpi artículo 402ta catishpa, Olexánder huauquitaca juicio penalta catirca.

Ivano-Frankivsk llactapi Tribunal de Distrito de Kolomía nishcaca, Olexanderca juicio tucuringacamanmi carcelpi cana can nishpa ordenarca. Na cashpaca, 5 mil 112 dolarcunatami fianza cuna can nirca. Chai jahuapash, libre llujshingapaj munashpaca, Olexanderca cuartelpa territoriopimi quidana can y ima ordenda cujpipash cazunami can nircami. Chai jatun llaquipi caimandami, Olexanderca fianza culquitapash na pagarca y 1 de febrero de 2025mandami prisión preventiva nishcapi prezo can.

¿Mashna tiempota yalishca?

17 de septiembre de 2025

8 testigo de Jehovacunami carcelpi carca.
24 de febrero de 2022

Ley marcial tiajpimi militarcunaca nimapash ordenda na charishpata yangata prezo churai callarirca.
23 de junio de 2015

Ucrania llactapa Tribunal Superiorca, Vitaliy Shalaiko Testigopa casopimi, paicunapa concienciapi ali sintiringapaj munaimanda, servicio militarta na rurangapaj munajcunapa derechocunataca respetanami can nirca.
Diciembre de 1991

Servicio civil alternativo tiana leytami aprobarca.
28 de febrero de 1991

Chai huatapimi testigo de Jehovacunapa religiondaca Ucrania llactapi legalmente inscribirca.