7 Alita yachachina

¿IMATA CAN?

Ima ali cajta yachajushpami, imatapash ruranchi. Quiquinbash honrado cangapaj esforzarijuimandami, quiquinba huahuacunamanbash honrado canata yachachijupariangui.

Alita ruranata yachajushcacunaca joven cashpallatami trabajanata, considerashpa tucuicunata ali tratanata, shuj ali cosascunatapash yachajun.

BIBLIAPICA NINMI: ‘Huahuamanga ali causaita yachachingui. Shinami rucuyashpapash napacha cunganga’ nishpa (Proverbios 22:6).

¿IMAMANDATA MINISHTIRISHCA CAN?

Cunangunapi shuj shuj mushuj aparatocuna tiashcamandami ima ali cajtaca ali yachana capanchi. Zoilaca ninmi: “Mushuj aparatocunata ricujuimandami ñucanchi huahuacunaca nali cosascunata yachajuita ushan. Ñucanchi ladopillata nalita ricunajujtapash na cuenta japinchimanllu” nishpa.

BIBLIAPICA NINMI: ‘Ali yuyaicunata charishpa aliguta yachajushca cashpami alita, nalitapash yachai ushan’ nishpa (Hebreos 5:14).

Imagutapash respetohuan parlanaca minishtirishcami can. Por ejemplo, shuj gentecuna ñana shina parlajpipash, “mañachihuai”, “carahuai”, “pagui” nishpa parlana, shujcunapi preocuparinaca minishtirishcapachami can. Huaquingunaca gentecunapi preocuparinapa randica celularcunapira o shuj cosascunapirami preocuparin.

BIBLIAPICA NINMI: “Imashnami shuj gentecuna cangunaman imatapash aliguta rurachun munanguichi, chashnallatami cangunapash paicunaman alita rurana canguichi” nishpa (Lucas 6:31).

¿IMATATA RURAI USHAPANGUI?

Quiquinba ima ali cajtaca alimi intindichina capangui. Ashtaca gentecunaca nishcami, shuj jarihuan shuj huarmihuan mapayana na ali cashcata taitamamacuna yachachijpimi, huahuacunapash chai cosascunamanda caruyaita ushan nishpa.

CAITA RURAPANGUI: Pitapash na ricunayachimanda imatapash rurashcata noticiapi uyashpaca, chaita aprovechashpami nita ushapangui: “Chaica nalipachami can. ¿Imatata yuyangui, imamandashi chai gentecunaca chaita rurarca?” nishpa.

Pabloca ninmi: “Ima ali cajta, ima na ali cajta yachashpami huahuacunaca ali decisiongunata agllaita ushan” nishpa.

Respetohuan parlanata yachachipangui. Uchillagucuna cashpapashmi, “mañachihuai”, “carahuai”, “pagui” nishpa parlanata yachajuita ushan. Shuj libropica ninmi, familiapi, escuelapi o paicunapa comunidadpi na paicunalla ashtahuan importante cashcata intindishpami huahuacunaca, shujcunata imagupipash ayudangapaj esforzarin” nishpa (Parenting Without Borders).

CAITA RURAPANGUI: Shujcunata ayudana importante cashcata huahuacuna intindichunga, imagutapash rurachunmi churana capangui.

Tamiaca ninmi: “Huasipi cosasgucunata ruranata yachajushpami, viñarishpa ña paicunalla causanajushpapash huasipi cosasgucunataca jahualla ruranga” nishpa.