Familia ucupi cushilla causangapaj consejocuna

Cusaca, huarmigutaca juyanami can

EFESIOS 5:28, 29​pica ninmi: “Chashnallatami cusacunapash, quiquin huarmitaca cangunapaj cuerpotashna juyana canguichi. Paipaj huarmita juyashpaca, quiquinllatami juyarijun. Pipash paipaj cuerpotallataca na millanayachinllu. Ashtahuangarin aliguta micushpa alichiritami yachan”.

Cusami familia ucupica umashna mandajun o familia ucupi autoridadta charin (Efesios 5:23). Pero shinapash cusaca huarmigutaca juyaihuanmi ali tratana can. Shinallata cusami huarmigutaca mantenina can. Y shinallata huarmigu ali cachun, ali sintirichunbashmi ricuna can. Shuj ali cusaca na paipilla pensarishpami paipa huarmigupipash pensarishpa, huarmigu siempre cushilla cachun imagutapash ruran (Filipenses 2:4). Ashtahuanbash huarmiguta ninanda juyashcata nishpami huarmigu imata nijtapash ali ali uyan. Shinallata shuj ali cusaca na ñapash fiñarishpachu huarmigutaca macashpa o nali sintichishpaca charin (Colosenses 3:19).

Huarmiguca, cusatami respetana can

EFESIOS 5:33​pica ninmi: “Huarmica cusata alicachishpa cazuchun”.

Huarmiguca cusata respetashpa, cusapa decisiongunapipash apoyashpami familia ucupi tucuicuna tranquilo ali cachun ayudan. Shuj ali huarmiguca cusa talvez imagupipash pandarijpica, canga nalitami rurashcangui nishpaca nalica na sintichinllu. Ashtahuangarin na ñapash culirashpami respetota ricuchin (1 Pedro 3:4). Shinallata huarmigu cusahuan imapash problemata charishpaca, imahoras parlanata ricushpami cusagutaca siempre respetohuan tratan (Eclesiastés 3:7).

Cusahuarmi causaipica nunca na traicionarinachu can

GÉNESIS 2:24​pica ninmi: “Jarica [...], paipaj huarmihuan tandanajushpa, shujlla aicha tucushpa causanajunga”.

Shuj jari, huarmihuan cazarashpaca, huañungacaman pacta causangapami can. Chaimandami ishcandillata aliguta causangapaj esforzarina can. Chaipaca cusahuarmica randimanda aliguman parlarishpa, shinallata ishcandimandallata juyarishcata ricuchingapaj imagutapash pacta rurana can. Shinallata cusa cashpa o huarmi cashpapash, nunca na shujhuan pacta puñushpa cusata o huarmitaca traicionanachu can. Porque chaica cusahuarmi causaita na valichishcata ricuchishpami randimanda ninanda llaquichirin (Hebreos13:4).

Taitamamacuna, huahuacunata aliguta yachachipaichi

PROVERBIOS 22:6​pica ninmi: “Huahuataca, ali causaita yachachingui. Shina yachachijpica rucuyashpapash, napacha cungangachu”.

Taita Diosca taitamamacunatami huahuata aliguta yachachichun responsabilidadta cushca. Ashtahuanbash huahuacunaman ali ejemplota cuchunmi Taita Diosca taitamamacunataca mandashca (Deuteronomio 6:6, 7). Huahuacuna nali portarijpica, taitamacunaca na ñapash culirashpachu imatapash ruran. Ashtahuangarin “aliguta uyajcuna, aliguta yarishpara rimajcuna, na ñapash fiñarijcunami cana can” (Santiago 1:19). Shinallata huahuacuna nali portarijpi disciplinana cajpica, taitamamacunaca huahuacunataca juyaimandami disciplinana can.

Huahuacuna, taitamamacunata cazuna can

EFESIOS 6:1, 2​pica ninmi: “Huahuacuna, cangunapaj taitata, mamataca, cazunguichi. [...]. “Taitata, mamataca ninanda alicachingui””.

Huahuacunaca taitamamacunata cazushpami, paicunata respetashcataca ricuchin. Shinami familia ucupipash tucuicuna cushilla ali cachun ayudan. Huahuacuna ña jatunyajpica taitamamacunata cuidashpa respetashpami catina can. Por ejemplo, ña jatun huahuacunaca paicunapa taitacuna huasipi imapash na faltashpa, tranquilo ali cachunmi ricuna can. O culquiguhuan ayudana cajpipash ayudana can (1 Timoteo 5:3, 4).