¿Imashpata sufrinchi, mayorianchi y huañunchi?
Taita Diosca paipa churicunatashnami gentecunataca ricun. Chaimandami sufrishpa causachunga na munan. Shinapash ¿imashpata llaquicunahuan causanchi?
Adán y Evapa culpamandami llaquicunahuan causanchi
ROMANOS 5:12pica ninmi: “Juchata ruranaca, shujlla runamandami cai pachapica callarirca. Chai juchamandami, huañuipash callarirca. Shinallatami tucuicuna juchata rurashcamandaca, huañuipash tucuicunapajman yalijun”.
Taita Diosca Adanda y Evata jucha illaj cuerpohuanmi rurarca. Shinallata Jardín de Edén nishca shuj juyailla pushtugupi causachunmi Taita Diosca churarca. Chaipimi paicunamanga Taita Diosca ashtaca yuracunapa fucushcataca micunguichilla, pero solo shuj quirumanda ama micunguichichu nishpa mandarca. Pero paicunaca na cazushpami chai yuramanda frutataca micurca. Shinami juchayucuna o pecadorcuna tucurca (Génesis 2:15-17; 3:1-19). Chaimandami Taita Diosca paicunataca jardín de Edenmanda llujchishpa cacharca. Tiempohuanga Adán y Evaca huahuacunatami charirca y paicunapash alica na causarcachu. Shinami jipamanga tucuicuna mayoriashpa huañurca (Génesis 3:23; 5:5). Shinaca Adán y Evapa huahuacuna cashcamandami ñucanchipash irquiyashpa, mayoriashpa huañunchi.
Demoniocunapa culpamandami llaquicunahuan causanchi
1 JUAN 5:19pica ninmi: “Cai pachapajtalla rurashpa causajcunataca, diablomi tucuicunata mandajun”.
Diabloca shuj nali angelmi can. Paimi Taita Diospa contra tucurca (Juan 8:44; Apocalipsis 12:9). Tiempohuanga ali angelcunapashmi Diablopa lado tucushpa demoniocuna tucurca. Chai demoniocunami gentecuna Taita Diosta ama rijsichun pandachishpa charin. Shinallata gentecunapash nalicunata rurachunmi demoniocunaca paicunapa poderta utilizan (Salmo 106:35-38; 1 Timoteo 4:1). Diablopash y demoniocunapash ñucanchicunata llaquichishpami ninanda cushijun.
Nali desiciongunata agllaimandami llaquicunahuan causanchi
GÁLATAS 6:7pica ninmi: “Maijan imata tarpushpapash, chaitallatami japinga”.
Huaquinbica juchayucuna caimanda, shinallata Diablo cai mundota mandajuimandami sufrinchi. Shinapash huaquinbica ñucanchillata nali decisiongunata agllaimandami sufrinchi. Por ejemplo, si shuj taita honrado y ali trabajador cajpica, paipa familiaca cushillami causanga. Pero ñacutin na trabajador cashpa, solo ufiashpalla yalijpi o culquita yanga apostashpa purijushpaca paipash y paipa familiapashmi llaquilla causanga. Taita Diosca ñucanchicuna tranquilo, cushilla, ali causachun munaimandami paipa ayudata mascachun munan (Salmo 119:165).
“Tucurimui punllacunapi” causanajushcamandami llaquicunahuan causanchi
2 TIMOTEO 3:1-5pica ninmi: “Tucurimui punllacunapica [...] paicunalla ali cangapaj munajcuna, charijyangapaj munajcuna [...], Taitata, mamatapash na cazujcuna [...], ima munashcata rurajcuna, llaquitapash na llaquijcuna, ima alitapash na ricunayachijcunami tianga”.
Bibliapi nishcashnami cunanbica gentecunaca causan. Y chaita ricushpami ña ‘tucurimui punllacunapi’ causanajushcata yachapanchi. Pero shinapash Bibliapica guerracunapash, yarjaicunapash, jatun terremotocunapash y shinallata millai ungüicunapash tianga nircami (Mateo 24:3, 7, 8; Lucas 21:10, 11). Cashna llaquicuna tiaimandami ashtaca gentecunaca sufrishpa huañunajun.