¿Maipita ali consejocunata tarita ushapanchi?
“Dios escribichishca tucui Shimicunaca, paillata yarichishpa escribishcami” can (2 Timoteo 3:16). Caipica “yarichishpa” nishpaca, Tucui ushaita Charij Taita Dios, Bibliata escribij jaricunapa yuyaipi Taita Diospa yuyaicunata Bibliapi escribichishcatami ricuchin.
Taita Diosca paipa consejocunata cazuchunmi munan
ISAÍAS 48:17, 18pica ninmi: “Ñucami, cangunata Mandaj Taita Dios cani. Ñucami, cangunapaj ali cachun cangunata yachachini. Canguna maijan ñanda rinatapash, ñucami ricuchishpa pushani. ¡Ñuca mandashcacunata canguna cazushca cajpica, jatun yacushnamari casilla aliguta causanaca, na tucurinman carca! Imatapash cashcatapacha ruranapash, mama cucha yacu caiman chaiman cuyurinshnami canman carca”.
Taita Diosca quiquin cushilla, tranquilo, para siempre ali causachun munaimandami cai shimicunataca quiquinman nijun.
Taita Diosca quiquinda ayudangapami munan
MARCOS 13:10pica ninmi: “Ali villaitaca tucui llactacunapi causajcunaman villanapachami can”.
Cai “ali villaicunaca” Jehová Dios ñallapacha tucui llaquicunata tucuchinata, shinallata cai alpatapash shuj juyailla paraíso alpaguta ruranata, y ashtahuanbachaca ñucanchi huañushca familiarcunata, amigocunatapash cutin causachinatami ricuchin. Testigo de Jehovacunaca Bibliapa nishcacunataca mundo enteropimi gentecunaman villachinajunchi.