ÑUCANCHI PLANETAHUANGA ¿IMASHI PASANGA?
AIRE
AIRETACA na respirangapallachu minishtinchi. Aireca indipa radiación ñucanchi planetaman ama yaicuchunmi shuj escudoshna jarcan. Ashtahuanbash aire na tiajpica chiri chiri clima cajpimi ñucanchicunaca congelarita ushanchiman.
Aireca peligropimi can
Aire contaminarijpica tucuilla planetapi causaimi contaminaringa. Organización Mundial de la Salud nishcashnaca, mundo enteropi gentecunamandaca uno porcientollami limpio aireta respiran.
Contaminashca aireca enfermedades respiratorias y cardio vasculares, cáncer de pulmón unguitapashmi cun. Ashtahuanbash contaminarishca aireta respiraimandami cada huata cazi 7 millón gentecuna huañun.
Ñucanchi planetaca causai tiachun rurashcami can
Ñucanchi planetaca gentecuna, animalcuna limpio aireta repirachunmi rurashca can. Shinapash gentecuna planetata na contaminajpillami chaica pasai ushan. Huaquin ejemplocunata ricupashun:
Bosquecunaca dióxido de carbonotami chupan. Shinapash ashtaca gentecunaca costapi manglarcuna dióxido de carbonota ashtahuan chupajtaca na yachanllu. Chaimandami manglarcunaca minishtirishcapacha can. Manglarcunaca sacha cunuj bosquecunatapash 5 veces yalimi dióxido de carbonota chupan.
Chairalla rurashca estudiocunapica, huaquin uchilla macroalgas quelpo o kelp nishcacunaca, na solo dióxido de carbonotalla chupanllu. Ashtahuangarin pambaitapashmi pamban. Quelpo laminacunaca uchila bolsagucunapi gas jundajpimi caruta huambushpa rita ushan. Yacu manñamanda carullapi cashpami gas junda bolsagucunaca tugyan. Chaimi quelpo laminacunaca mar ucucaman pambarishpa dióxido de carbonota apashpa rin. Chaipimi ashtaca siglocunata pambarishpa quedan.
COVID-19 pandemiamandami tucuicunallata huasipi vicharina tucushcamanda ñucanchi planetapa aireca ashtacata recuperarirca. Ashtahuanbash, 2020 huatapica ashtaca fabricacunata vichana tucujpi, shinallata huaquin carrocunalla purijpimi contaminacionga ashtacata bajarirca. Chaimi airepash ashtahuan mejorarirca. Informe mundial sobre la calidad del aire 2020pi nishcashnaca, pandemiamanda gentecuna paicunapa huasipi vichari callarishcamandami, 80 por ciento yali llactacunapi aireca mejorarirca.
¿Imata ayudai ushan?
Bicicletapi rishpaca ama yapa contaminachunmi ayudanchi
Autoridadcunaca fabricacuna ama yapa contaminashca gasta shitachunmi mañanajun. Shinallata cientificocunaca ama ashtahuan aire mapayashpa catichunmi imacunatapash mascashpa catinajun. Por ejemplo, contaminaj cosascunata aliman tigrachingapami microbiocunata utilizai usharin. Ashtahuanbash estudiashcacunaca carropi viajanapa randica, bicicletapi o chaquilla richun, shinallata huasipi cashpa ama yapa michata ocupachunmi animan.
Ama yapa aireta contaminachunmi huaquin gobiernocunaca, ashtahuan ali cocinacunata cun. Shinapash ashtaca gentecunaca cashna cocinacunataca na chari ushanllu.
Shinapash caicunatalla ruranaca na suficientechu can. Chaitallatami 2022 huatapi rurashca informepica Organización Mundial de la Salud, Banco Mundialpash, shuj agencias internacionalescunapash nirca.
Cai informepillatami mundo enteromanda tercera parte gentecunaca, 2020 huatapica aireta contaminaj cosascunahuan yanun cashcata ricurca. Ashtaca llactacunapica ashtaca gentecunami shuj cocinaguta o shuj mushuj cocinagutaca na randi ushan. Shuj cosascunapipash na yanui ushan.
Esperanzata charingapaj razonguna. Bibliaca ¿imatata nin?
“Mandaj Diosca, jahua pachata rurashpaca, telata mandanshnami churarca. Paimi, cai pachatapash, caipi tucui imalla tiajcunatapash rurarca. Cai pachapi causajcunamambash, paimi samaita cun” (Isaías 42:5).
Taita Diosmi airetapash, aireta limpiaj ciclocunatapash rurarca. Ashtahuanbash Taita Diosca ashtaca podertami charin. Gentecunatapash ninandami llaquin. Shinaca, aire contaminarijushcata ricushpaca ¿Taita Diosca na imatapash shinashpachu quedanga? “Taita Diosca ñucanchi planetataca alichisha ninmi” temata ricupangui.