PRECIOCUNA SUBIJPICA ¿IMATATA RURANA CANCHI?

Generosomi cana canchi

Tucui cosascuna precio subijujpica, generoso canaca dificilmi can yanguipashchari. Pero ¿generoso cana cai llaquita aguantachun ayudashcata yachapashcanguichu? Caipica imashina ahorranata, generoso canatami yachajushun.

¿IMASHPATA IMPORTANTE CAN?

Ashalla cosascunahuanllapash generoso cashpaca, cushilla alimi sintirishun. Huaquin estudiocunapi ricushcashnaca, ñucanchi saludpipash, mentepipash alimi sintirishun. Por ejemplo, generoso cashpaca nanaicunata, ansiedad, estrés, presión unguitapash na yapa charishunllu. Puñuitapash ashtahuan alimi puñushun.

“Imagutapash carashpami, carajpi japishcatapash ashtahuan yalita cushijurin” (Hechos 20:35).

Shujcunata culquihuan cashpa o shuj ruraicunapi ayudana costumbreta charishpaca, ñucanchipash ayudata minishtijujpi shujcunapash ñucanchita ayudajpica cushijushpami chasquishun. Inglaterra llactapi causaj Howard shuti jarica ninmi: “Ñucapash ñuca huarmigupash ishcandillatami generoso canchi. Shujcunata ayudangapapash pendientemi canchi. Chaimi ñucanchicunapash ayudata minishtijushpaca, shujcunapa ayudata mañanaca na yapa difícil can” ninmi. Shungumanda generoso cajcunaca imatapash tigrachichunga na shuyanllu. Paicunaca generoso caimanda alipacha amigocunata tarishpami, imagupipash ayudachun minishtishpaca ayudangapaj amigocuna chaipi canata seguro can.

“Shujcunaman carana costumbretami charina canguichi. Shina rurajpimi shujcunapash cangunamanga caranga” (Lucas 6:38).

¿IMATATA RURAI USHANGUI?

Imagutapash compartinami cangui. Na yapa cosascunata charishpapash siempremi imagutapash compartita ushapangui. Por ejemplo, shuj plato micunatallapashmi compartita ushapangui. Duncan shuti jarica paipa familiandimi Uganda llactapi causan. Paicunaca pobre pobregucunami can. Chashna cashpapash generosocunami can. Duncanga ninmi: “Domingo punllacunataca ñuca huarmiguhuanga, shuj plato micunagutallapash compartingapami pitapash ñucanchi huasiguman invitanchi. Shujcunahuan yalinatami ninanda gushtanchi” ninmi.

Generoso cashpapash, familiata ama llaquichingapami aliguta pensarishpa imagutapash rurana can (Job 17:5).

Caita rurapai: Shuj plato micunaguta o masqui yacugutallapash pihuanbash compartipai. Shinallata imagutapash ñana utilizajushpaca, ¿nacha shuj amigo o vecino utilizachun carana ali caman?

Shuj cosascunapipashmi generoso caita ushapangui. Generoso cangapaca culquillaca na minishtirinllu. Por ejemplo, shujcunata imagupipash ayudangapaj tiempota llujchishpa, paicunapi preocuparishpami generoso caita ushanchi. Shinallata juyailla shimicunata nishpapashmi generoso cashcata ricuchi ushanchi. Shinaca shujcuna ninanda valishcata, juyashcata nipai.

Caita rurapai: Shujcunapa huasita arreglashpa o huasipi imagutapash rurashpa o comprasta rurashpami ayudaita ushapangui. Shinallata pitapash agradicingapaj o paita yarishcata ricuchingapaj shuj juyailla notaguta o shuj mensajeguta escribipai.

Imagupipash generoso cashpaca ashtahuan cushillami causangui.

“Alita ruranataca na cunganachu capanguichi. Imata charishcata shujcunaman compartinatapash na cunganachu canguichi” (Hebreos 13:16).

Shuj matrimonioca shuj mayorlla huarmigupa jardindami limpiashpa ayudanajun. Paicuna fichanajujpi, jardinda limpianajujpica, chai mayorlla huarmiguca cunujlla yacugutami carajun.