PRECIOCUNA SUBIJPICA ¿IMATATA RURANA CANCHI?

Esperanzatami charina canchi

¿Quiquinba sueldotapash yali preciocuna ninanda subijujtachu sintingui? ¿Minishtirishca cosascunata familiaman na carai ushashachu yashpachu preocuparingui? Shina cashpaca, shamuj punllacunapi imashinashi causashun yashpami ninanda llaquiyangui. Shina situaciongunapi cashpami esperanzata charinaca ninanda minishtirishca can.

¿IMASHPATA IMPORTANTE CAN?

Esperanzata charij gentecunaca ali cosascuna pasachunga na maqui cruzado yanga shuyanajunllu. Esperanzata charinami ima situacionbi cashpapash, chai situacionda aguantashpa ñaupaman catichunmi ayudan. Por ejemplo, huaquin estudiocunata rurashcashnaca esperanzata charij gentecunaca cashnami can:

Shinlli situacionda yalishpapash ñaupamanmi catin.
Jaicatami acostumbrarin.
Imashina causanamandapash ali decisiongunatami japin. Chaimi paicunapa saludpipash ali cachun ayudan.

¿IMATATA RURAI USHANGUI?

Primeroca, cunan punllacunapi Biblia imashina ayudai ushashcapi pensaripai. Preciocuna subijujpipash imata rurana cashcata yachachunmi Bibliapica alipacha consejocuna tian. Por ejemplo, Bibliapica ama yapata gashtachun, randinamandalla ama yangata randichun shamuj punllacunapi preparado cachunmi ayudan.

“Cai ali shimicunaca, canda alichingami. Cai ali yuyaicunaca, imamandapash cuidangami” (Proverbios 2:11).

Catipica, shamuj punllacunamanda Biblia ima nijta yachajupai. Bibliapi ashtaca yuyaicunamanda yachachijujta cuenda japishpaca, shamuj punllacunamanda imata yachachijtami yachajungapaj munangui. Por ejemplo, Bibliapica Taita Dios shamuj punllacunapi ñucanchicunaman imata caranata, ñucanchicuna imata ‘shuyanajushcatami’ yachajungui (Jeremías 29:11). Shinallata chai promesapi imamanda crina cashcatapashmi yachajungui. Chai promesaca Taita Diospa Gobiernomi can.

TAITA DIOSPA GOBIERNOCA ¿IMATA CAN? ¿IMATATA RURANGA?

Taita Diospa Gobiernoca jahua cielopimi can. Chai Gobiernoca tucuilla cai alpatami mandanga (Daniel 2:44; Mateo 6:10). Llaquicunata, pobrezatapashmi tucuchinga. Tranquilo ali causaitami apamunga. Chaicunataca cati textocunapimi ricui ushapangui:

“Imatalla rurashcamanda micushpaca, ninandami cushijungui. Shinallata imapipash alimi llujshinga” (Salmo 128:2).

Taita Diospa Gobiernopica pipash “na yanga trabajanajungachu” (Isaías 65:23).

‘Pambacunapipash, granocunataca maqui jundata shitanajunga’ (Salmo 72:16).

‘Taita Diosca na llulla’ cajpimi, ashtaca ashtaca millón gentecunaca cai promesacuna pactarinapi crin (Tito 1:2). ¿Bibliapi imata yachachijta quiquinbash yachajungapaj munapanguimanllu? Bibliata yachajushpa esperanzata charinami culquimanda problemacunata aguantashpa catichun, shamuj punllacunatapash ama manllachun ayudanga.