Demoniocunaca huañuchijcunami can
Satanaspash, demoniocunapash siempremi peligrosocuna cashca. Por ejemplo, ashtaca tiempo huashamanga Satanasca Job runagupa huagracunata, paipa trabajadorcunatapashmi huañuchirca. Shinallata shuj ‘ninan acapanata’ cachamushpami paipa 10 churicunatapash huañuchirca. Chai jipaca Satanasca, ‘Job runagutaca chaqui pundamanda, uma coronacamanmi’ lepra unguihuan llaquichirca (Job 1:7-19; 2:7).
Jesuspa tiempopica demoniocunaca huaquin gentecunataca upata, ciegota saquin carca (Mateo 9:32, 33; 12:22). Por ejemplo, demoniocunaca shuj jarigutaca paimandallata rumicunahuan huactarishpa, ninanda chugririchunmi imacunatapash ruran carca (Marcos 5:5). Cutin shuj jovengutaca paimandallata alpapi shitarishpa ‘ninandapacha chujchuchishpa’ ataquehuan llaquichin carca (Lucas 9:42).
Punda tiempocunapica gentecunaman unguicunata cachamushpa, shinallata ataquehuan ninanda chujchuchishpapashmi demoniocunaca llaquichin carca
Satanaspash, demoniocunapash jahua cielomanda cai alpaman shitamui tucushca horasmandapachami gentecunataca ashtahuan llaquichishca. Mundo enteropi gentecunataca ashtaca unguicunahuanmi llaquichishca. Cutin shujcunataca puñuitapash ama ushachunga nalicunata muscuchunmi imacunatapash rurashca. Huaquin gentecuntacarin violaitapashmi violashca. Huaquin gentecunaca demoniocunapa culpamandami locoman tucushca, shinallata gentecunata huañuchishca o paicunallatapash huañuchirishca.
Cunanbica demoniocunaca gentecuna nalicunata rurachunmi imacunahuanbash umachin. Cutin shujcunataca tutacunapi manllanai muscuicunata muscuchishpami manllachin
Surinam llactamanda Lintina shuti huarmiguca, “ñuca familiamanda 16puracunatami shuj demonioca huañuchirca” ninmi. Shinallata paitaca 18 huatacunatami demoniocunaca llaquichishpa causashca. “Demoniocunaca huañuchingacamanmi gentecunataca sufrichishpa causan” ninmi.
Pero Satanás ama llaquichichunmi Jehová Diosca paita sirvijcunataca cuidan (Proverbios 18:10).