PARTE 2

Diosca ¿pita can?

Jahua pachapi, cai Alpapi tucui paipa rurashcacunatami Jehová Diosca jahuamanda ricujun

Shujlla Diosmi tian. Paipa shutica Jehovami can. Bibliaca ninmi: “Gentecuna yachachun, camba shuti Jehová cajta, canllami tucui Alpamanda Ashtahuan Jatun Dios cangui” (Salmo 83:18, NM). Jahua pachapi cajpimi Diostaca na ricunchi. Paica ninandami ñucanchita juyan. Ñucanchipash paita juyachun, shuj gentecunatapash juyachunmi munan (Mateo 22:35-40). Tucuita rurashcamandami pailla mandana can.

Ashtaca poderta charij angeltami pundaca rurarca. Chai angeltami Jesucristo ninchi. Diosca shuj angelcunatapashmi rurarca.

Jehovami jahua pachapipash ... Alpapipash tucuita rurarca. Apocalipsis o Revelación 4:11

Jehovami estrellacunatapash, cai Alpatapash, cai Alpapi imalla tiashcacunatapash rurarca (Génesis 1:1).

Ñutu alpata japishpami punda jari Adanta rurarca (Génesis 2:7).