Jardín de Edenpica ¿ima causaita tiarca?

Diosca Adanman Evamanga tucui ministishcatami curca. Génesis 1:28

Adanba huarmi cachunmi Diosca Evata rurarca (Génesis 2:21, 22).

Adanta Evataca jucha illaj cuerpohuan, jucha illaj yuyaihuanmi rurarca.

Paicunaca jardín de Edén nishca juyailla paraisopimi causarca. Chaipica quirucuna, animalcuna shuj riopashmi tiarca.

Diosca paicunahuan parlanmi carca. Ashtaca cosascunatami yachachirca. Paraisopi na huañushpa causangapaca Diostami cazuna carca.

Diosca mandarcami shujlla quirumandami na micuna canguichi nishpa. Génesis 2:16, 17

Diosca Adanta Evataca nircami, shujlla quirumandami na micuna canguichi, chai quirumanda micushpaca huañunguichimi nishpa.

Shuj angelmi Diospa contra tucurca. Chai nali angelca Diablo Satanasmi can.

Diosta na cazuchun munashpami Diabloca, shuj culebrata parlachishpa Evataca nirca, chai quirumanda micushpaca na huañunguichica. Ashtahuangarin, Dios shinami canguichi nishpa (Génesis 3:1-5).