PARTE 8

Jesusca ¿imamandata huañurca?

Ñucanchicuna na huañushpa causachunmi Jesusca huañurca. Juan 3:16

Jesusta pambashca pushtu chushaj cajtami huarmicunata ricunajun

Jesús huañushcamanda quimsa punllacuna jipaca, huaquin huarmicunami Jesús pambashca pushtuman rirca. Shinapash, Jesusca illarcami. Jehová Diosca ñami causachirca.

Jesusca paipa apostolcunapa ñavipi ricurishca jipaca, jahua cielomanmi rijun

Jipaca paipa apostolcunamanmi ricurirca.

Jesustaca na huañuna espirituta shinami Diosca causachirca. Paipa catijcunaca jahua pachaman rijta ricurcami. Cunanga, ashtaca poderta charij espiritumi can.

Diosca Jesusta causachishpami Paipa Reinopi Rey cachun churarca. Daniel 7:13, 14

Diospa Reinopa tronopi tiarishpami paraisopi causanajuj gentecunata aliguta mandajun

Gentecunata juchamanda, huañuimanda salvangapami Jesusca paipa causaita curca (Mateo 20:28). Chaimandami Diosca na huañushpa causanatami cusha nin.

Jehová Diosca Jesustami agllarca jahua pachamanda cai Alpata mandachun. Shinapash, na paillachu mandanga. Diosta casuj 144.000 gentecunapashmi jahua pachapi causarishpa Jesushuan mandanga. Chai ali gobiernoca Diospa Reinomi can (Apocalipsis [Revelación] 14:1-3).

Diospa Reinomi tucuilla Alpataca shuj paraisota ruranga. Guerracuna, huañuicuna, pobreza, yarjaipash na tiangachu. Gentecunaca cushillami causanga (Salmo 145:16).