Jesusca pescadota japijcunamanmi ricurirca

Punllacuna yalijpica Jesusca apostolcunamanmi ricurirca. Pedroca mar de Galileapimi pescadota japingapaj rishca carca. Chaimanga Tomás, Santiago, Juan, Jesusta shuj catijcunapashmi paihuan rishca carca. Tuta entero chaipi cashpapash ni shuj pescadota na japircachu.

Cayandi tutamandaca shuj jari yacu manñapi shayajujtami ricurca. Chai jarica: ¿Pescadota japircanguichichu? nishpa tapurca. Paicunaca: Nimata na japi usharcanchica nircami. Chaimi chai jarica: “Redtaca canoa ali ladoman shitaichi” nirca. Shina shitajpimi ashtaca ashtaca pescadocunami redpica jundarca. Redtaca llujchitapash na ushanajurcachu. Chaita ricushpami Juanga, Jesús cashcata cuenta japishpa: “Señor Jesusmari” nirca. Chaimi Pedroca nadashpa yacu manñacaman chayarca. Cutin Jesuspa shuj discipulocunaca canoapimi catirca.

“Ña manñacaman chayashpaca, nina rupajujtami paicunaca ricurca. Nina jahuapica pescado cusarijujta y tanda tiajujtapashmi ricurca”. Shinallata canguna japishca huaquin pescadocunatapash yanungapaj apamuichi nirca. Jipamanga micungapaj shamuichi nircami.

Ña micushca jipaca Jesusca Pedrotaca: ¿ñucata juyahuanguichu? nishpa tapurca. Pedroca: “Ari, candaca juyanipachami” nirca. Chaimi Jesusca: Shina cashpaca. “Ñuca llamagucunata michipangui” nirca. Cutinmi Jesusca: “¿Ñucataca juyahuanguipachachu?” nishpa tapurca. Chaimi Pedroca: “Ari ñuca Señor Jesuslla, quiquinda juyajtaca yachapanguimi” nirca. “Shina nijpimi Jesusca: ‘Ñucapa llamagucunata michipangui’” nirca. Jesús quimsa viajecaman Pedrota tapujpimi paica ninanda llaquirishpami: “Señor Jesuslla, quiquinga tucuitami yachapangui. Ñuca quiquinda juyajtaca yachapanguimi” nirca. Chai jipami Jesusca: ‘Ñucapa llamagucunaman micunaguta carapangui. Ñucata catihuailla’ nirca.