LECCIÓN 94
Jesuspa discipulocunaca espíritu santota chasquirca
Jesús cieloman tigrashcamandaca ña 10 punllacunami yalishca carca. Jesuspa catijcunaca chai punllacunapimi espíritu santota chasquirca. Huata 33 Pentecostés fiesta punllacunata yaringapami shuj shuj llactamanda gentecuna Jerusalenmanga rishca carca. Chaipimi 120 Jesuspa discipulocunaca huasi jahua cuartopi tandanajushca carca. Na yashcapimi ‘rupajuj uchilla ninacunashna ricurishpa, cada unopa umapi tiarirca. Shinami, tucuicuna Taita Diospa espíritu santota chasquirca. Chaimi shuj shuj idiomacunata parlai callarirca’. Shina tianajujpimi, “huaira ninanda huacamunshna paicuna tianajuj huasipica, ucu entero uyarirca”.
Shuj llactamanda Jerusalenman rishcacunapashmi chai huairata uyashpa ima pasashcata yachangapaj chai huasiman calpanajurca. Jesuspa discipulocunaca shuj shuj idiomacunapi parlanajujta uyashpami chai gentecunaca ninanda manllarinajurca. Chaimi cashna ninajurca: ‘Cai runacunaca Galilea llactamandami can ¿imashpata ñucanchi parlashca shimita parlaita ushan?’ nishpa.
Chaimi Pedropash, caishuj apostolcunapash chai gentecunapa ñaupapi shayarirca. Chaimi Pedroca: Cangunami ‘Jesustaca huañuchircanguichi’. Shinapash Jehová Diosmi Jesustaca causachirca. Cunanga Jesusca cielopimi Diospa ali ladopi tiajun. Taita Diosca carasha nishca paipa espíritu santotami cararca. Chaimi cai milagrocunataca cangunapash ricunajunguichi y uyanajunguichi nircami.
Chaita uyashpami gentecunaca ninanda manllarirca. Pedropa nishcacunaca gentecunapa shunguman chayajpimi paicunaca: ¿Imatata rurana canchi? nishpa tapunajurca. Chaimi Pedroca paicunataca: “Cangunapa pecadocunata perdonachunga, cada unomi arripintirishpa Jesucristopa shutipi bautizarina capanguichi. Shinami Taita Diospa espíritu santota chasquinguichi” nirca. Chai punllapica casi 3 mil gentecunami bautizarirca. Chai punllamandapachami Jesuspa discipulocunaca Jerusalén llactapi ashtahuan mirarca. Apostolcunaca espíritu santo ayudajpimi, ashtahuan congregacionguna tiachun ayudanajurca. Shinami Jesusta catijcunamanga Jesús imata yachachishcata yachachinajurca.
“Jesusca ñucanchi Señormi can nishpa canba shimihuan shujcunaman villachishpa y Jesusta huañushcacunapuramanda Taita Dios causachishcata tucui shunguhuan crishpaca, salvaringuimi” (Romanos 10:9).