Cornelioca espíritu santotami chasquirca

Cesarea llactapica romano soldadocunata mandaj Corneliomi causarca. Na judío cajpipash judiocunaca paitaca respetanmi carca. Paica siempremi pobre gentecunaman imagutapash carashpa ayudan carca. Cornelioca Jehová Diospi crishpami, paita siempre mañan carca. Shuj punllaca shuj ángel ricurishpami Corneliotaca: Can mañajushcataca Diosca uyashcami. ‘Cunanga, Pedrota pushamuchun, Jope puebloman huaquin runacunata cachai’ nirca. Chai ratomi Cornelioca quimsa jaricunata Jope puebloman cacharca. Chaiman chayangapaca casi 50 kilometrocunatami rina carca.

Chaicamanga Pedroca Jope pueblopica shuj muscuipi shinami, judiocuna na micuna animalcunata ricurca. Chaimi Pedroca jahua cielomanda cashna nijta uyarca: ‘Jatarishpa caicunata huañuchishpa micuilla’ nishcata. Pedroca na micungapaj munashpami: Cai na micuna animalcunataca nunca na micushcanichu nirca. Shina nijpimi chai angelca: “Imatami Taita Dios ña limpiomi can nishcataca, canga ñana mapami can nijunachu cangui” nirca. Cutinmi chai angelca cashna nirca: ‘Pedro, quimsa runacunami quiquindaca mascanajun. Paicunahuanga rinallami cangui’. Chaimi Pedroca canllaman llujshishpa chai jaricunataca ¿imashpata shamupashcanguichi? nishpa tapurca. Chai jaricunaca: Soldadocunata mandaj Cornelio cachamujpimi shamupanchi. Cornelioca Cesarea llactapi paipa huasiman shamuchunmi munan nirca. Chai tutaca Pedroca chai soldadocunata paipa huasipi quidachun invitarca. Cayandi punllaca Jope pueblomanda huaquin huauquicunandimi Pedroca Cesarea llactaman chai soldadocunahuan rirca.

Pedro chayamujta ricushpaca Cornelioca paipa ñaupapimi cungurirca. Chaimi Pedroca: “Shayaripai. Ñucapash quiquinshnallata runallami capani”. Na judío cajcunapa huasiman na yaicuna cajpipash, Taita Diosmi quiquinba huasiman shamuchun mandarca. “Shinaca nihuailla ¿imagupata ñucataca cayachun cachamuhuarcangui?” nishpa.

Chaimi Cornelioca Pedromanga: ‘Taita Diostami mañajurcani’. Shina mañajujpimi, shuj ángel ricurishpa canda cayachun mandahuarca. Ama shinagu cashpa ñucanchicunaman Jehovamanda yachachihuai nirca. Chaimi Pedroca: “Cunanmi alipacha intindini, Taita Diosca tucuicunatami igual ricun cashca. Ashtahuangarin, maijan llactamanda cashpapash, paita manllashpa causajcunata, alita rurashpa causajcunataca tucuicunatami chasquin cashca” nirca. Shinami Pedroca Jesusmanda ashtacata yachachirca. Chaimi Corneliopash, chaipi cajcunapash Diospa espíritu santota chasquishpa bautizarirca.