CÁNTICO 48
Cada punlla Jehová Dioshuan puripashunchi
(Miqueas 6:8)
1. Ñucanchi Taita Jehovapa
maquimanda charirinshnami,
imatapash na manllashpa
cada punlla purina canchi.
Ñucanchi tucui causaipi
Jehová Diospa munaita
rurashpa causangapami,
Jehovaman mingarircanchi.
2. Diablopa punllacunaca
ñallapachami tucuringa.
Paica ñucanchicunapash
Jehovata saquichunmi munan.
Shina cajpipash Jehovami
ñucanchita cuidajun.
Maquimanda japinshnami
ali ñanguta pushajun.
3. Ñucanchi ali causachunmi
Jehová Diosca paipa Shimita,
huauquipanicunatapash,
paipa espiritutapash cushca.
Chaimandami cada punlla
ñucanchi Jehová Diospa
maquimanda charirinshna
paihuanlla purina canchi.
(Caitapash liipangui Gén. 5:24; 6:9; 1 Rey. 2:3, 4).