CÁNTICO 150
Jehová Diosmi salvanga
(Sofonías 2:3)
1. Tandanajushpami
jatun mandajcunaca
Jehovapa Churi Jesusta
tucuchingapaj munan.
Shinapash Jesusmi
paicunata yali can.
Jesusmi tucuita mishanga.
Ñutushpami saquinga.
(ESTRIBILLO)
Tucuita Ruraj Diostaca
tucui shunguhuan cazungui.
Ama saquishpa
paipi confiangui.
Paipa ñanbilla puringui.
Chaimi Taita Jehová Diosca
canda salvanga.
2. Gentecunamanga
uyachun, na uyachunbash
Jehová Diospa Reinomanda
villachishpa catingui.
Ama manllanguichu.
Jehovami ayudanga.
Paita sirvishpa catijpica
siempremi cuidarianga.
(ESTRIBILLO)
Tucuita Ruraj Diostaca
tucui shunguhuan cazungui.
Ama saquishpa
paipi confiangui.
Paipa ñanbilla puringui.
Chaimi Taita Jehová Diosca
canda salvanga.
(Caitapash liipangui 1 Sam. 2:9; Sal. 2:2, 3, 9; Prov. 2:8; Mat. 6:33).